Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 261 Hüküm no: 401 Orijinal metin no: [76b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Efendi'nin Adalar'a naib tayin edildiği Yâ Allâh, Yâ Fettâh, Yâ Rezzâk, Yâ Kerîm hüve’l-feyyâzü’l-mutlak İzzet-meâb mevlânâ İbrahim Efendi kâm-yâb. (Mühür) Ba‘de’t-tahiyyeti’l-behiyye inhâ olunur ki, işbu bin yüz yirmi dokuz senesi şehr-i Şa‘bânü’l-mu‘azzamının gurresinde Üsküdar kazâsı nevâhîsinden Adalar nâhiyesinin umûr-ı şer‘iyesi tarafımızdan sana tefvîz ve sipâriş olunmuşdur. Gerekdir ki gurre-i merkūmeden nâhiye-i mezbûreye varıp ahâlîsi beyninde icrâ-yı ahkâm-ı şer‘-i nebevî etmede ihtimâm-ı tâm ve sa‘y-i ikdâm eyleyesin ve’s-selâm. Hurrire fi’t-târîhi’l-mezbûr. Mine’l-muhlis Mehmed Selim el-Kādı bi-Üsküdar.