Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 271 Hüküm no: 418 Orijinal metin no: [80a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tayin edilen kişilerce saman tahsili Vech-i tahrîr-i hurûf budur ki, İşbu sene-i mübârekede devletlü yeniçeri ağası efendimiz hazretlerinin taraflarına mu‘tâd-ı kadîm üzere Adalar ve Gekbüze ve Yoros kazâlarında olan yeniçeri yoldaşların veregeldikleri samanın tahsîline memûr olduğum ecilden tarafından tahsîline işbu bâ‘isûnü’t-temessük Mehmed Ağa ve İbrahim Beşe ve Ahmed Beşe ve Mehmed Beşe’yi ta‘yîn eyledim, gerekdir ki, mezbûrûn Mehmed Ağa ve İbrahim Beşe ve Ahmed Beşe ve Mehmed Beşe yedlerinde olan ağa-yı müşârün-ileyh hazretlerinin mektûb-ı şerîfler sûreti ve sûret-i defterler mûcebince zikr olunan samanı cem‘ ve tahsîl eyleyeler, tarafımıza taraf-ı âhardan hilâf-ı sûret-i mektûb ve defter kimesne müdâhale eylemeye. Fî-gurreti Receb sene 1130 El-Fakīr Veyis Ağa, mübâşir-i saman.