Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 272 Hüküm no: 419 Orijinal metin no: [80b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed'i döverek yaralayanların yakalanarak muhakeme edilmesi Hüve’l-mu‘în (...) efendi mevlânâ (...) -zîde kadruhû- inhâ olunur ki, (...) sen ki nâib-i merkūmsun (...) yeniçerilik iddi‘âsında (...) üzere olup redâet-i cibiliyetinden nâşî sekene-i kebîrlerinde mezkûr şekāveti izhâr ve yek-dîl ve yek-cihet olup bi-gayri hakkın şakī Mehmed’i âlât-ı câriha ile darb ve mecrûh edip gadr ve zulm eylediğinden mâ‘adâ bunun emsâli şekāvetleri âdet-i müstemirre ve kendü hallerinde durmayıp şerr-i şürûrlarından ibâdullâha müteezzî oldukları şuyû‘ bulmağın mezbûrâtı alâ-eyyi hâl ahz ve Âsitâne-i sa‘âdete ihzârları lâzım gelmeğin işbu mektûb tahrîr ve kıdvetü’l-emâsil ve’l-akrân Kullukçu Mehmed -zîde kadruhû- mübâşir ta‘yîn ve irsâl olunmuşdur. Vusûlünde gerekdir ki merkūmân şakīleri ahz ve mübâşir-i merkūm ma‘rifetiyle Âsitâne’ye ihzâr edesiz ki, bu cânibde mürâfa‘adan mûcib-i şer‘îsi icrâ ve ihkāk olunur, husûs-ı mezkûrda ihtimâm olunup mukaddemâ ve bu def‘a sâdır olan mektûbuyla âmil olasız, bâkī selâm. Tahrîren evâhiri şehri Cemâziyelûlâ sene selâsîn ve mi'e ve elf. Kad vasale ileynâ fî 19.