Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 294 Hüküm no: 456 Orijinal metin no: [89b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çerçi Matagandan ve Bosra'nın sende alacağımız var diyerek İstamlo Yahudi'yi taciz ettikleri Çeharşenbe günü huzûrda mürâfa‘a-i şer‘ olalar Devletlü ve sa‘âdetlü sultanım hazretleri sağ olsun. Bu kulunuzun kimesneye şer‘an vereceği ve bir dürlü kefâletim ve hilâf-ı şer‘ vaz‘ ve ta‘addîsi olmayıp Üsküdar’a tâbi‘ Kartal nâm karyede sâkin Çerçi Matagandan [ve] Bosra zimmetlerinde iki yüz guruş dâinime mürâfa‘a olup taleb eyledikçe siz varın merkūm Palasık [ve] Acı Kortiz ve (°) ve (°) nâmûn zimmîler mücerred tama‘-ı hâmlarına binâen akçe mutalebesiyle ta‘addî [ve] vermedikde ol tarafda şuhûd-ı zûrlar ile hakkı ibtâl ile gadr murâd [edip] bir vechile şirret-i şürûrlarından hakkım tahsîl [ve] muhâkeme olmamağla bu husûs dahi perîşânemi arzuhâle cesâret olundu. Huzur-ı …? ma‘delet-âsârda hâlime merhameten ol tarafa gadr murâd ederler ise şâhid ile ma‘an Çehârşenbe günü huzûr-ı sa‘âdetinizde şer‘le mürâfa‘a-yı âlî. İstamlo Yahûdi.