Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 74 Hüküm no: 2 Orijinal metin no: [1b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Miskçi Salih’in çocuklarına babalarından kalan mallarından nafaka takdir edildiği Mahmiye-i İstanbul’da Arabacı Bayezid mahallesi ahâlîsinden olup bundan akdem vefât eden miskçi tâifesinden el-Hâc Salih b. Abdü[lkādir]lfettah’ın evlâd-ı sıgārı Mustafa ve Saliha ve Fâtıma’nın tesviye-i emrlerine min-kıbeli’l-ebb vasiyy-i muhtâreleri ve vâlideleri hâfızatü’l-kitâb Âişe Hatun bt. Abdullah talebiyle hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri sıgār-ı merkūmûnun babaları müteveffâ-yı mezbûrdan müntakil mallarından her birine beher yevm dörder sağ akçe nafaka ve kisve-bahâ farz ve takdîr buyurup meblağ-ı mefrûz-ı mezbûru sıgār-ı mezbûrûnun havâic-i mühimmesine harc ü sarfa ve vakt-i zarûretde istidâneye ve lede’z-zafer mallarına rücû‘a vasiye-i mezbûre Âişe Hatun’a izin vermeğin mâ-vaka‘a kayd-şüd. Fî gurreti Muharrem sene 1110 Şuhûdü’l-hâl: es-Seyyid Abdullah Efendi b. el-merhûm Mustafa Efendi, Abdurrahman Efendi b. Mehmed Efendi, Mehmed Efendi b. Sunullah, Kara Mehmed b. Hüseyin, Hasan b. Abdullah, Ahmed Çelebi b. Süleyman, İbrahim Çelebi b. Mehmed.