Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 81 Hüküm no: 10 Orijinal metin no: [3a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Emine Hatun’un kızı Ümmühani’ye günlük on akçe nafaka tahsis edildiği Mahmiye-i İstanbul’da Haraccı Kara Mehmed mahallesinde sâkine iken bundan akdem vefât eden Emine Hatun bt. el-Hâc Hasan’ın sadriye kızı Ümmühani nâm sagīrenin babası ve tesviye-i umûruna vasiyy-i muhtârı işbu bâ‘isü’l-kitâb Ahmed Çelebi b. Resul talebiyle sagīre-i mezbûrenin nafaka ve kisvesi’çün mal-ı müntakilinden hâkim-i muvakkı‘-ı sadr-ı kitâb tûbâ-lehû ve hüsnü-meâb efendi hazretleri târîh-i kitâbdan yevmî on sağ akçe farz ve takdîr buyurup meblağ-ı mefrûz-ı mezbûr on sağ akçeyi levâzım-ı sagīre-i mezbûreye harc ü sarfa ve vakt-i hâcetde istidâneye ve lede’z-zafer malına rücû‘a mezbûr Ahmed Çelebi’ye izin vermeğin mâ-vaka‘a kayd-şüd Fî 13 min-Muharrem sene 1110 Şuhûdü’l-hâl: el-Hâc Süleyman b. Yusuf, el-Hâc Mustafa b. Habib, Yusuf Çelebi b. Cafer, İsmail b. Himmet, el-Hâc Ahmed b. el-Hâc Hasan.