Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 93 Hüküm no: 21 Orijinal metin no: [6b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa Hatib Mustafa Efendi’nin yetimlerinin vasisi Ümmühani Hatun’un çocuklara elli beş kuruş borcu olduğunu tescil ettirdiği Mahmiye-i İstanbul’da Emin Nureddin mahallesi ahâlîsinden olup medîne-i Ebâ Eyyûbe’l-ensârî Câmi‘-i şerîfi’nde hatîb iken bundan akdem vefât eden Mustafa Efendi b. Veliyüddin’in evlâd-ı sıgārı Süleyman ve Mehmed Emin ve Ahmed’in vâlideleri ve vasiye-i mansûbeleri olup zâtı ta‘rîf-i şer‘î ile mu‘arrefe olan işbu râfi‘atü’l-kitâb Ümmühani Hatun bt. Mehmed Efendi mahfil-i kazâda takrîr-i kelâm edip vasîsi olduğum sıgār-ı merkūmûnun yedinde olan mal-ı müstakillerinden istidâne ve kabz eylediğim elli guruş ve çuka semeninden dahi beş guruş ki cem‘an elli beş guruş târîh-i kitâbdan bir sene tamâmına değin müeccel sıgār-ı merkūmûna zimmetimde vâcibü’l-edâ ve lâzımü’l-kazâ deynimdir dedikde mâ-vaka‘a kayd-şüd Fî 19 Muharrem sene 1110 Şuhûdü’l-hâl: Hüseyin Çelebi b. Mustafa, Halil Çelebi b. Abdullah, el-Hâc Ömer b. Himmet, Hüseyin b. Mehmed, el-Hâc Abdullah Çukadâr. Hüccet-i mezbûrenin sonunda hatâ vâki‘ olmağla tashîh olunup üç varak aşağıya kayd olunmuşdur. Sahh. [Mühür]: