Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 95 Hüküm no: 24 Orijinal metin no: [7a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Ayşe Hanım’ın küçük oğlu Ali’ye dedesi Mahmud’un vasi tayin edildiği Mahmiye-i İstanbul’da el-Hâc Muhyiddin mahallesinde sâkine iken bundan akdem vefât eden Âişe Hatun bt. Mahmud’un sulbî oğlu Ali nâm sagīrin tesviye-i umûruna vakt-i sedâdına varınca vâlidesi müteveffât-ı mezbûreden müntakil malını zabt u hıfza savb-ı şer‘den vasî nasb ü ta‘yîn olunmak lâzım olmağın emânet ve istikāmet ile ma‘rûf olup her vechile vesâyet uhdesinden gelmeğe kādir idiği lede’ş-şer‘ zâhir olmağın müteveffât-ı mezbûre[nin] babası işbu hâfızü’l-kitâb mezbûr Mahmud Çelebi b. Mustafa’yı hâkim-i muvakkı‘-ı sadr-ı kitâb sagīr-i mezbûrun tesviye-i umûruna vakt-i sedâdına varınca mal-ı müstakilini zabt u hıfza vasî nasb ü ta‘yîn buyurdukda ol dahi vesâyet-i merkūmeyi ba‘de’l-kabûl mâ-vaka‘a kayd-şüd Fî 20 Muharrem sene 1110 Şuhûdü’l-hâl: Mehmed Rûşenî Efendi, Abdurrahman Efendi b. Ahmed, Abdurrahim Efendi, Mehmed Efendi b. Sunullah, Ahmed Çelebi b. Süleyman, Kara Mehmed b. Hüseyin Muhzır, İbrahim Çelebi b. Mehmed.