Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 95 Hüküm no: 25 Orijinal metin no: [7b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Ayşe Hatun’un küçük oğlu Ali’ye günlük nafaka takdir edildiği Mahmiye-i İstanbul’da el-Hâc Muhyiddin mahallesi sâkinelerinden olup bundan akdem fevt olan Âişe Hatun bt. Mahmud’un sulbî oğlu Ali nâm sagīrin tesviye-i umûruna kıbel-i şer‘den mansûb vasîsi müteveffât-ı mezbûrenin babası işbu hâfızü’l-kitâb merkūm Mahmud Çelebi b. Mustafa talebiyle sagīr-i mezbûra vâlidesi müteveffât-ı mezbûreden müntakil malından hâkim-i muvakkı‘-ı sadr-ı kitâb sagīr-i mezbûrun nafaka ve kisvesi’çün beher yevm ikişer para farz ve takdîr buyurup meblağ-ı mefrûz-ı merkūmu sagīr-i merkūmun havâic-i mühimmesine harc ü sarfa ve vakt-i zarûretde istidâneye ve lede’z-zafer malına rücû‘a vasiyy-i mezbûra izin vermeğin [mâ vaka‘a bi’t-taleb ketb olundu.] Kayd-şüd Fî 20 Muharrem sene 1110 Şuhûdü’l-hâl: Mehmed Rûşen Efendi b. İbrahim, Uşşâkī Mehmed Efendi b. Mehmed, Abdurrahim Efendi b. ( ), Şeyh Mehmed Efendi b. Sunu[llah], Ahmed b. Süleyman.