Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 118 Hüküm no: 36 Orijinal metin no: [13b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Halil’in küçük oğluna nafaka takdir edildiği Mahmiye-i İstanbul’da Mahmudpaşa mahallesi ahâlîsinden olup tarîk-i hacc-ı şerîfde bundan akdem vefât eden el-Hâc Halil b. Ömer’in sagīr oğlu İbrahim’in cedde-i sahîhası ve tesviye-i umûruna kıbel-i şer‘den mansûbe vasiyesi Âişe Hatun b. Şükrullah talebiyle mezbûr İbrahim nafaka ve kisvesi’çün mal-ı müntakilinden târîh-i kitâbdan beher yevm beş para kıbel-i şer‘den farz ve takdîr olunup meblağ-ı mefrûz-ı mezkûru ber-vech-i muharrer nafaka ve kisve ve sâir levâzım-ı zarûriyesine harc ü sarfa ve vakt-i zarûretde istidâneye ve lede’z-zafer malına rücû‘a vasiye-i mezbûre Âişe Hatun’a izin verilip mâ-vaka‘a kayd-şüd. Fî 2 Muharrem sene 1110 Şuhûdü’l-hâl: Ahmed Efendi b. Ömer, es-Seyyid Musa Çelebi b. Mehmed, Mustafa Odabaşı b. Receb, Salih Çelebi b. Yusuf, el-Hâc Ali b. Şükrullah.