Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 119 Hüküm no: 37 Orijinal metin no: [13b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şehit Sekbanbaşı Mehmed Ağa’nın çocuklarına nafaka takdir edildiği İstanbul’da Harrât Kemâl mahallesi ahâlîsinden olup işbu sene-i mübârekede Karadeniz’de Nusret-Kirman Kal‘ası muhâsarasında şehîden vefât eden sâbıkā Sekbanbaşı Mehmed Ağa b. el-Hâc Mustafa’nın evlâd-ı sulbiyesi Pir Mehmed ve Derviş Mehmed ve Şeyh Ahmed nâm sagīrlerin tesviye-i emrlerine vasiyy-i muhtârları ve li-ebin ammileri bâ‘isü’l-kitâb fahrü’l-akrân Hasan Ağa b. el-mezbûr el-Hâc Mustafa talebiyle zikr olunan sagīrlerin hâneleriyle(?) mal-ı müntakillerinden nafaka ve kisveleri’çün her birine yevmî yirmişer para farz ve takdîr buyurup meblağ-ı mefrûz-ı mezbûr yevmî altmış parayı zikr olunan sagīrlerin hâneleriyle(?) nafaka ve kisvelerine harc ü sarfa ve lede’l-hâce istidâneye ve vakt-i zaferde mallarına rücû‘a vasiyy-i mûmâ-ileyh Hasan Ağa’ya izin vermeğin mâ-vaka‘a kayd-şüd. Fî 12 Şa‘bân sene 1109 Şuhûdü’l-hâl: el-Hâc Mehmed Ağa, Yorganîzâde el-Hâc Mehmed, Yahya Efendi b. İbrahim, Mehmed Beşe b. Receb, Hasan Yazıcı, Ramazan Çelebi b. Hasan.