Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 611 Hüküm no: 755 Orijinal metin no: [134a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Osman b. Ahmed’in Bal mumcu Mustafa b. Hüseyin’de alacağı olduğu Mahmiye-i İstanbul’da Samanveren mahallesinde sâkin bâ‘isü hâze’l-kitâb Osman b. Ahmed nâm kimesne meclis-i şer‘-i şerîfde balmumcu tâifesinden Mustafa b. Hüseyin nâm kimesne mahzarında üzerine da‘vâ ve takrîr-i kelâm edip mezbûr Mustafa zimmetinde yedimden müşterâ ve makbûz levni ve adedi beynimizde ma‘lûm sahtiyân bahâsından ba‘de küllî hesâb beş bin yüz seksen akçe hakkım olmağla hâlâ suâl olunup meblağ-ı mezbûru bana edâ ve teslîme tenbîh olunmak matlûbumdur dedikde gıbbe’s-suâl mezbûr Mustafa cevâbında fi’l-hakīka müdde‘î-i mezbûra ber vech-i muharrer cihet-i merkūmeden ba‘de küllî hesâb beş bin yüz seksen akçe elân zimmetimde lâzımü’l-edâ deyni olduğunu bi tav‘ihî ikrâr ve i‘tirâf etmeğin alâ mûcebi i‘tirâfihî meblağ-ı mezbûr beş bin yüz seksen akçeyi müdde‘î-i mezbûra edâya merkūm Mustafa’ya tenbîh olunup mâ vaka‘a bi’t-taleb ketb olundu. Fi’l-yevmi’l-hâdî aşer min Şevvâli’l-mükerrem li sene seb‘a ve tis‘în ve elf. Şuhûdü’l-hâl: İbrahim Çelebi [b.] Ahmed, Süleyman Efendi b. Receb, Hüseyin Beşe b. Mustafa, Hasan Beşe b. Mahmud.