Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 177 Hüküm no: 94 Orijinal metin no: [28a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostancı Muharrem Bey’in terekesi Mahmiye-i İstanbul’da Bahçekapısı kurbünde Hocapaşa mahallesinde sâkin iken bundan akdem vefât eden Bostânî mütekā‘idlerinden Muharrem Bey b. Muttalib’in verâseti zevce-i menkûha-i metrûkesi Hadîce Hatun bt. Abdullah ile vâlidesi Keziban Hatun bt. Ali’ye ve sulbiye sagīre kızı Fâtıma’ya münhasıra olduğu şer‘an zâhir ve müte‘ayyin oldukdan sonra sagīre-i mezbûrenin tesviye-i umûruna kıbel-i şer‘-i enverden vasiyy-i mansûbu Salih Ağa b. Mustafa ve mezbûretân Hadîce ve Keziban ve Hadîka-i hâssa-i şehriyârîde bi’l-fi‘il bostancıbaşı ve tâife-i mezbûrenin evlâd-ı sıgārının üzerlerine bâ-hatt-ı hümâyûn-ı sa‘âdet-makrûn nezâret-i aliyyeleri olan umdetü’l-havâs ve’l-mukarrebîn mu‘temedü’l-mülûk ve’s-selâtîn izzetlü Mustafa Ağa b. Hüseyin tarafından müseccel vekîli ve hâlâ tere[ke]cibaşısı fahrü’l-a‘yân İsmail Bey b. İbrahim taleb ve ma‘rifetleriyle tahrîr ve taksîm olunan tereke-i müteveffâ-yı mezbûrdur ki vech-i âtî üzere zikr olunur. Fî 25 Muharrem sene 1110 Yemenî yorgan 2 200 akçe Beledî döşek 1 500 akçe Minder 3 400 akçe Müsta‘mel kadife yastık 7 1700 akçe Alaca kilim 2 260 akçe Orta Selanik 1 keçe yan 2 2405 akçe Sarı velense 1 140 akçe Köhne kavuk 2 sarık 1 100 akçe Heybe 1 100 akçe Köhne yeşil çuka kaplı tilki kürkü 1 1000 akçe Köhne münakkaş çuka kaplı çılkafa kürk 1 2100 akçe Kırmızı çuka çakşır 1 400 akçe Al çuka kürk 1 3600 akçe Siyâh bogasi kapama 7 560 akçe Kırmızı bogasi kapama 1, köhne alaca zıbın 2, kuşak 1 171 akçe Köhne eyer 1 395 akçe Çuka kesme 1 250 akçe Alaca anteri 1 120 akçe Beyâz keçe 1 700 akçe Papuç kesesi ma‘a hırdavât kayış 1 52 akçe Balta 1 220 akçe Kara kılıç ma‘a kamçı 1 400 akçe Bakır gaddâre 1 700 akçe Sagīr çekmece 1 300 akçe Vezne kebîr ve sagīr 2 92 akçe Beyâz sâde 1 180 akçe Don 2, gömlek 2 180 akçe Köhne orta keçesi 1 400 akçe Sâde tîrkeş 1 300 akçe Bakır raht 1 400 akçe Boylu tüfenk vasat 1 300 akçe Pirinç sâ‘at 1 3000 akçe [28b] Sini 1 600 akçe Cedîd tencere ma‘a kapak 3, Sahan 3 1405 akçe Tencere 1 ma‘a kapak 6 700 akçe Leğen ma‘a ibrik 1 300 akçe Def‘a leğen ma‘a ibrik 1 200 akçe Kapaklı tas 1 210 akçe Kahve ibriği 2, kapak 1 100 akçe Bakır tabak 1 60 akçe Şam‘dân 1, fener 1, kefkir 1 140 akçe Sâde garâr 1 çift 150 akçe Beyâz ihrâm 2 hırdavâthâne 2400 akçe Nakd akçe be-hesâb-ı hurda Meblağ 1240 akçe Yekûn-i meblağ: 27130 akçe. Para dörder akçe hesâbıncadır Minha’l-ihrâcât: Techîz ve tekfîn 3600 akçe Mehr-i müeccel-i müsbet li-zevcetü’l-mezbûre 2000 akçe Düyûn-ı müteferrika-i müsbete 1200 akçe Kirâ-i menzil 12 şehr Meblağ 3440 Ücret-i kuçşubaşı 500 akçe Resm-i ağa hazretleri 1200 akçe Ücret-i çukadâr 160 akçe Harc-ı hüccet-i vesâyet ve nafaka ve ibrâ 560 akçe Dellâliye-i dükkâniye [ve] hammâliye 509 akçe Resm-i âdî ma‘a huddâmiye 340 akçe Kaydiye 40 akçe Yekûne’l-ihrâcât meblağ: 13549. Para dörder hesâbınca Sahhe’l-bâkī li-taksîmi beyne’l-verese: Meblağ 13581. Para dörder hesâbı üzere Hissetü li-zevcetü’l-mezbûre 1697 akçe Hissetü’l-ümmü’l-mezbûre 2671 akçe Hissetü’l-binti’l-mezbûre 8913 akçe