Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 179 Hüküm no: 95 Orijinal metin no: [28b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostancı Ahmed Usta’nın terekesi Yoros kazâsına tâbi‘ Göksuhisarı’nda Sinan Efendi mahallesinde sâkin iken bundan akdem vefât eden Bostânî mütekā‘idlerinden Ahmed Usta b. Abdullah’ın verâseti zevce-i menkûha-i metrûkesi Saliha Hatun bt. Hüseyin ile sulbî sagīr oğlu Mustafa ve sagīre kızı Emine’ye münhasıra olduğu şer‘an zâhir ve mütebeyyin oldukdan sonra zikr olunan sagīrlerin tesviye-i emrlerine kıbel-i şer‘-i enverden vasiye-i mansûbeleri ve vâlideleri mezbûre Saliha Hatun ve Hadîka-i hâssa-i şehriyârîde bi’l-fi‘il bostancıbaşı olup tâife-i mezkûrenin evlâd-ı sıgārının üzerlerine bâ-hatt-ı hümâyûn-ı sa‘âdet-makrûn nezâret-i aliyyeleri olan umdetü’l-havâs ve’l-mukarrebîn mu‘temedü’l-mülûk ve’s-selâtîn izzetlü Mustafa Ağa b. Hüseyin tarafından müseccel vekîli ve hâlâ terekecibaşısı fahrü’l-akrân İsmail Bey b. İbrahim ve diğer nâzır-ı hasbî el-Hâc Mustafa Usta b. Ahmed taleb ve ma‘rifetiyle müteveffâ-yı mezbûrun tahrîr ve taksîm olunan terekesidir ki ber-vech-i âtî üzere zikr olunur. Fî 22 Zilhicce sene 1109 Kumaş yorgan 1 320 akçe Yemenî yorgan 2 550 akçe Def‘a yemenî yorgan 2 400 akçe Minder 2 300 akçe Yastık beledî 2 200 akçe Def‘a minder 2 325 akçe Kırmızı kumaş yorgan 5 680 akçe Yan kaliçesi 2 640 akçe Orta kaliçe 1, yan 1 1100 akçe Kaliçe seccâde 1 620 akçe Siyâh kebe 2 455 akçe Köhne ihrâm 1, seccâde 1 201 akçe Sandık 1 200 akçe Sarık 2, kavuk 2 430 akçe Mor çuka yağmurluk ma‘a başlık 1 1700 akçe Mâî çuka şalvar 1 350 akçe Bogasi kaplı beden sincab kürk 1 610 akçe Yeşil çuka kaplı tilki kürkü 1 2165 akçe Yeşil çuka ferâce 1 2400 akçe Neftî çuka ferâce 1 850 akçe Mor kaba çuka donluk 1 1250 akçe Kaba kırmızı çuka donluk 1 1120 akçe Benefşe kaba çuka donluk 1 900 akçe Benefşe çuka cebe don 1 405 akçe Kuşak 2 304 akçe Kırmızı çuka çakşır 2 985 akçe Kırmızı atlas kapama 1 900 akçe Kutnu kapama 1 800 akçe Beyâz sâde 1 Alaca anteri 1 335 akçe Beyâz zıbın 1, gömlek 1, don 1, uçkur 2 475 akçe Mor hilâlî kapama 1 915 akçe Köhne heybe 2, garâr 1 140 akçe Tas ma‘a kapak 1 200 akçe Sahan 5, kapak 2, tâbe 1, süzegi 1 870 akçe Maşraba 1 105 akçe Kuzu kürkü 1 200 akçe Leğen ibrik 1 325 akçe Fener 1, nalbeki 2 240 akçe Kürde? tencere ma‘a kapak 1, tepsi 1 150 akçe Mısır makrama 3 130 akçe Kahve ibrik 1 81 akçe Sini 1 300 akçe Kazgan 1 530 akçe Güğüm 2 465 akçe Kebîr leğen 1 255 akçe Boylu tüfenk 1 750 akçe Kara kılıç 1 300 akçe Def‘a boylu tüfenk 1 600 akçe Def‘a tüfenk 1 600 akçe Demir debbûs 1 34 akçe Pîştahta 1 500 akçe Def‘a tencere ma‘a kapak 1 250 akçe Def‘a sahan 2 130 akçe Hırdavât ma‘a harman 1 400 akçe Sîm ön kuşak 1 1200 akçe Sîm sâ‘at 1 2000 akçe Yekûn bahâ-i eşyâ: 33640 meblağ. Para dörder akçe hesâbınca Be-hesâb-ı guruş: 210 guruş, 1 rub‘, fî 120 Meblağ: 25230 akçe. Para üçer akçeden Müteveffâ-yı mezbûrun çiftlikde olan eşyâlarını beyân eder. [29a] Doru kısrak ma‘a tay 1 re’s 1800 akçe Öküz 1 çift 1800 akçe İnek 3 re’s 1560 akçe Buzağı 2, düğe 2, tosun 2 1560 akçe Zirâ‘at olunan buğday ber-vech-i tahmîn 3000 akçe Zirâ‘at olunan şa‘îr ber-vech-i tahmîn 600 akçe Zirâ‘at olunan yulaf ve nohud ve burçak ber-vech-i tahmîn 440 akçe Hisar-ı mezkûrda vâki‘ mülk menzil ber-vech-i tahmîn 40 guruş fî 120 4800 akçe Hırdavât-ı harman 110 akçe Yekûn hayvanât 15670 akçe Cem‘an yekûn 40900 akçe. Para üç akçeden Minha’l-ihrâcât: Techîz ve tekfîn 2400 akçe Mehr-i müeccel-i müsbet li’z-zevcetü’l-mezbûre şehâdet-i el-Hâc Mustafa b. Ahmed ve Ali Bey b. Abdullah gıbbe’t-tahlîf 3000 akçe Deyn-i müsbet Hasan şehâdet-i mezbûrân gıbbe’t-tahlîf 5400 akçe Harc-ı hücec 360 akçe Dükkâniye-i dellâliye, hammâliye-i kayık 960 akçe Rüstem Ağa 2400 akçe Ücret-i yazıcı ve kuşçu 1000 akçe Resm-i â[dî] ma‘a huddâmiye 600 akçe Kaydiye 40 akçe Yekûne’l-ihrâcât: 16160 akçe Sahhe’l-bâkī: 24740 akçe Hissetü li’z-zevce 3092 akçe Hissetü’l-ibn 14432 akçe Hissetü’l-bint 7216 akçe