Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 615 Hüküm no: 761 Orijinal metin no: [135a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed b. Ases’in İsmail Ağa b. Hacı Ömer’e 2300 kuruş borcu olduğu Dârü’l-hilâfeti’l-aliyye Kostantıniyye el-mahmiyye’de Vezir hanında sâkin tüccârdan Ahmed b. Ases nâm kimesne meclis-i şer‘-i şerîf-i Ahmedî ve mahfil-i dîn-i münîf-i Muhammedî’de Vâlide hanında sâkin tüccâr-ı zevi’l-iktidârdan sâhib-i hâze’l-kitâbü’l-hâlî ani’l-irtiyâb umdetü’l-eşbâh ve’l-imtisâl İsmail Ağa [b.] el-Hâc Ömer mahzarında ikrâr-ı sahîh-i şer‘î ve i‘tirâf-ı sarîh-i mer‘î kılıp mezkûr İsmail Ağa bana iki bin üç yüz esedî guruş ikrâz ve teslîm ben dahi iktirâz ve kabz ve tesellüm eyledim meblağ-ı mezbûr iki bin üç yüz esedî guruş mezkûr İsmail Ağa’ya zimmetimde lâzımü’l-edâ ve lâzımü’l-kazâ deynimdir dedikde mukırr-ı mezbûrun ber minvâl-i muharrer cârî ve sâdır olan ikrârı el-mukarrun-lehü’l-mezbûr bi’l-muvâcehe huzûrunda bi’l-müşâfehe tahkīk etmeğin [135b] mâ vaka‘a bi’t-taleb ketb olundu. Fi’l-yevmi’s-sâmin aşer min Şevvâli’l-mükerrem li sene seb‘a ve tis‘în ve elf. Şuhûdü’l-hâl: Siyamizâde? el-Hâc Ahmed, es-Seyyid Mahmud Çelebi el-Hamîdî, es-Seyyid Abdülkerim Bey b. Selahaddin, el-Hâc Ebûbekir b. Mahmud, el-Hâc Nâsır b. el-Hâc Hüseyin Bektaş, Ahmed Ağa Bâzirgânbaşı, Yusuf Efendi b. Molla Hüseyin.