Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 224 Hüküm no: 128 Orijinal metin no: [38b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdi Halife kızı Ayşe’nin terekesi Mahmiye-i İstanbul’da Kazasker Mehmed Efendi mahallesinde sâkine iken bundan akdem vefât eden Âişe bt. el-merhûm Abdi Halîfe nâm sagīrenin verâseti li-ebeveyn ammi Çorbacı Mustafa Ağa b. Mehmed nâm gāibe münhasıra oldukdan sonra gāib-i mezbûrun hayât ve memâtı nâ-ma‘lûm olmağla hisse-i müntakilesini zabt ve hıfza kıbel-i şer‘den vasî ve kayyım nasb olunan vâlidesi Rahime bt. Yusuf talebiyle tahrîr olunan terekesidir ki vech-i âtî üzere zikr olunur. Fî 14 Safer sene 1110 Sagīre-i müteveffât-ı mezbûrenin hayâtında vasiyy-i mansûbu Ahmed Çelebi’nin babası müteveffâ-yı mezbûr terekesinden makbûzu olup sagīrenin techîz ve tekfîni ve nafaka ve sâir mesârifi çıkdıkdan sonra yedinde bâkī kalıp vasiye-i mezbûre Rahime’nin makbûzu olan 550 guruş Minha’l-ihrâcât: Resm-i kısmet-i kassâmiye ve huddâmiye 13,5 guruş Vasiye-i mezbûrenin meblağ-ı merkūmu tahsîl içün verdiği ücret-i mübâşir ve ihzâriye 8 guruş Yekûn: 21,5 guruş. Sahhe’l-bâkī: 528,5 guruş. Meblağ-ı bâkī-i merkūm beş yüz yirmi sekiz buçuk guruş ma‘rifet-i şer‘le Bezzâzistân’da vaz‘ olunmuşdur.