Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 232 Hüküm no: 135 Orijinal metin no: [40a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Ağa’nın vefat eden Serkâtib Ahmed Ağa’ya vasi tayin edildiği Mahmiye-i İstanbul’da Hoca Hanı kurbünde Dâye Hatun mahallesi ahâlîsinden olup Havâss-ı aliyye kazâsı muzâfâtından Çatalca nâhiyesine tâbi‘ Umurca nâm karyede vâki‘ çiftlikde sâkin iken düyûnu terekesinden ezyed olduğu hâlde vefât eden Dergâh-ı âlî kapıcıbaşılarından Ser-kâtib Ahmed Ağa b. Mustafa Efendi’nin terekesini ve zimem-i nâsda olan hukūkunu kabz ve düyûn-ı müsbetesini edâya taraf-ı şer‘den bir vasî ve kayyım nasb ü ta‘yîn olunmak lâzım ve mühim olmağın cümle dâyinleri talebleriyle vesâyetden kasr-ı yed eden İsmail Ağa b. Hüseyin’in yerine her vechile umûr-ı vesâyeti ikāmete kādir olan mahalle-i mezbûre sükkânından işbu bâ‘isü’l-kitâb Mustafa Ağa b. Haydar Paşa’yı hâkim-i muvakkı‘-ı sadr-ı kitâb efendi hazretleri vasî ve kayyım nasb ü ta‘yîn ettiklerinde mezbûr Mustafa Ağa dahi vesâyet-i mezbûre[yi] ba‘de’l-kabûl mâ-vaka‘a kayd-şüd. Fî 5 Safer sene 1110 Şuhûdü’l-hâl: el-Hâc Mustafa b. Şatır İbrahim Bey b. İsmail, Mustafa Efendi b. Hüseyin, Abdullah Ağa b. Haydar Paşa, Mehmed Ağa b. Abdullah, Yahya Bey Helvacı, Mehmed Çelebi b. Süleyman, Hüseyin Çelebi b. Mehmed.