Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 233 Hüküm no: 136 Orijinal metin no: [40b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa Haffaf Mehmed’in oğlu İshak’ın vasisi olan Mehmed’in muhasebesi Mahmiye-i İstanbul’da Çelebioğlu mahallesinde sâkin iken bundan akdem vefât eden Haffâf el-Hâc Mehmed b. Mustafa’nın sulbî sagīr oğlu İshak’ın vasiyy-i muhtârı el-Hâc Mehmed b. Hüseyin’in bin yüz yedi senesi Ramazan-ı şerîfi’nin gurresinden târîh-i deftere gelince yirmi sekiz ayda sagīr-i mezbûrun vâlidesi ve nâzıra-i hasbiyesi Hadîce Hanım bt. İshak Paşa taleb ve ma‘rifetiyle görülen hesâbı defteridir ki zikr olunur. Fî gurre-i Saferi’l-hayr sene 1110 Ber-mûceb-i defter-i kassâm-ı askerî para üçer hesâbı makbûz-ı vasiyy-i mezbûr 73934 akçe Murâbahadan makbûzu müddet-i mezbûrede 2580 akçe Cem‘an yekûn: 76514 akçe Minhâ el-mesârif: Sagīr-i mezbûra istihdâm içün câriye bâ-hüccet izin 16440 akçe Müddet-i mezbûrede nafaka-i mefrûza 16200 akçe Îdiyye-i sagīr 5400 akçe Menzil meremmâtına 2400 akçe İki sene menzil icâresi 720 akçe Fermân akçesi 300 akçe İsti‘mâl içün alıkonulan eşyâ 2778 akçe Harc-ı muhâsebe 240 akçe Kâtibiye [ve] huddâmiye 120 akçe İhzâriye 30 akçe Harc-ı hüccet 200 akçe Yekûn: 44828 akçe El-bâkī: 31686 akçe. Meblağ-ı mezbûr otuz bir bin altı yüz seksen altı sağ akçenin altı bin akçesi sagīr-i mezbûrun vâlidesi mezbûre Hadîce Hanım zimmetinde olduğu mezbûrenin i‘tirâfıyla sâbit ve vasiyy-i mezbûr zimmetinde ancak yirmi beş bin altı yüz seksen altı akçe kalmışdır.