Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 617 Hüküm no: 764 Orijinal metin no: [135b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı Süleyman b. Hacı Ahmed’in kölesi Hasan’ı Şâmî Mehmed Efendi b. Ahmed’e sattığı Mahmiye-i İstanbul’da Muhsine Hâtun mahallesinde sâkin hâmilü’l-kitâb Şâmî Mehmed Efendi b. Ahmed meclis-i şer‘-i şerîf-i enverde ve mahfil-i dîn-i münîf-i ezherde el-Hâc Süleyman b. el-Hâc Ahmed mahzarında ikrâr ve takrîr-i kelâm edip mezbûr el-Hâc Süleyman târih-i kitâbdan iki buçuk sene mukaddem [136a] silk-i mülkümde münselik, işbu hâzır bi’l-meclis orta boylu, ak kaşlı, ala gözlü Rûsiyyü’l-asl Hasan b. Abdullah nâm abd-i memlûkünü yüz esedî guruşa bana bey‘ ve teslîm ben dahi ber vech-i muharrer iştirâ ve kabûl ve teslîm-i semen etmişidim husûs-ı mezbûr kendiden suâl olunup takrîri tahrîr olunması matlûbumdur dedikde gıbbe’s-suâl mezbûr el-Hâc Süleyman cevâbında fi’l-hakīka târih-i mezbûrda abd-i memlûk-i mevsûf Hasan’ı mezkûr Mehmed Efendi’ye yüz esedî guruşa bey‘ ve teslîm ve kabz-ı semen edip mezbûr Hasan mezkûr Mehmed Efendi’nin abd-i memlûkü olup mevsûf-ı mezbûre ve semeninden kat‘â hak ve medhalim kalmamışdır dedikde mezkûr Mehmed Efendi’nin kelimât-ı meşrûhasın tasdîk ve tahkīk etmeğin mâ hüve’l-vâki‘ bi’t-taleb ketb olundu. Fi’l-yevmi’s-sâlis aşer min Şevvâli’l-mükerrem li sene seb‘a ve tis‘în ve elf. Şuhûdü’l-hâl: Ebûbekir b. Ahmed, Mustafa Çelebi b. Hüseyin?, Halil Beşe tâbi‘-i Efendi hazretleri, Mustafa Beşe b. Hüseyin.