Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 253 Hüküm no: 155 Orijinal metin no: [44a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Fatıma Hatun’un küçük kızı Emine’nin vasisi Mustafa’nın muhasebesi Mahmiye-i İstanbul’da Eğrikapı kurbünde Hoca Ali mahallesinde sâkine iken bundan akdem vefât eden Fâtıma bt. Abdullah’ın sagīre kızı Emine’nin vasiyy-i mansûbu el-Hâc Mustafa b. Mehmed’in üzerine hasbî nâzırı sagīre-i mezbûrenin halası Saliha bt. Abdullah taleb ve ma‘rifetiyle bin yüz altı senesi Zilhiccesi’nin yedinci gününden târîh-i deftere gelince otuz yedi ayda makbûz ve masrûfunun görülen hesâbı defteridir ki ber-vech-i âtî zikr olunur. Fî gurreti Muharrem sene 1110 Ber-mûceb-i defter-i kassâm müteveffât-ı mezbûreden müntakil para dörder akçeye olmak üzere hissesi 16244 akçe Be-hesâb-ı sağ 12183 akçe Müteveffât-ı mezbûrenin ba‘dehû zuhûr eden terekesinden hissesi 2144 akçe Be-hesâb-ı sağ 1608 akçe Babası Mustafa Beşe’den ber-mûceb-i defter hisse-i müntakilesi 10648 akçe Müddet-i mezbûrede sagīre-i mezbûrenin akārâtı icâresinden makbûz-ı vasî 18570 akçe Cem‘an: 43009 akçe Minha’l-ihrâcât: Müddet-i mezbûrede ber-mûceb-i defter-i müfredât sagīre-i mezbûrenin kisvesine masrûf-ı vasî 3747 akçe İmâret-i menzil 1200 akçe Vâlidesi müteveffât-ı mezbûrenin terekesinden intikāl içün alınan eşyâlar 5393 akçe Harc-ı muhâsebe 240 akçe Babasının terekesinden alıkonulan eşyâ semeni 1560 akçe Kâtibiye [ve] huddâmiye 120 akçe Harc-ı hüccet 120 akçe Yekûne’l-ihrâcât: 12380 akçe El-bâkī: 30788 akçe Minhâ: 6240 akçe. Sagīre-i mezbûreye alıverilen incili serpûş ve saçlık ve elbisenin semeni Sahhe’l-bâkī: 24548 akçe. Bi-yedi’l-vasiyyi’l-mezbûr para üç hesâbınca yalnız yirmi dört bin beş yüz kırk sekiz akçedir.