Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 274 Hüküm no: 170 Orijinal metin no: [48b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Ayşe Hatun’un küçük çocuklarına nafaka takdir edildiği Mahmiye-i İstanbul’da Kocamustafapaşa kurbünde Duhânîzâde mahallesinde sâkine iken bundan akdem vefât eden Âişe Hatun’un sadriye-i sagīre kızları Hadîce ve Ümmühani’nin babaları ve tesviye-i emrlerine vasiyy-i mansûbları hâfızü’l-kitâb Mehmed Çelebi b. Mustafa mahfil-i kazâda takrîr-i kelâm edip kızlarım mezbûretân Hadîce ve Ümmühani nafaka ve kisveye eşedd-i ihtiyâcları olmağla vâlideleri müteveffât-ı mezbûreden müntakil mallarından kadr-ı ma‘rûf nafaka ve kisve-bahâ farz ve takdîr olunmak matlûbumdur dedikde vasiyy-i mezbûrun kelimât-ı meşrûhası vâkı‘a mutâbıka idiği lede’ş-şer‘ zâhir olmağın hâkim-i muvakkı‘-i sadr-ı kitâb efendi sagīretân-ı mezbûretânın mal-ı müntakillerinden para üçer hesâbına her birine yevmî beşer akçe nafaka ve kisve-bahâ farz ve takdîr buyurup meblağ-ı mefrûz-ı mezbûr yevmî beşer akçeyi sagīretân-ı mezbûretânın levâzım-ı zarûriyelerine harc ü sarfa ve inde’z-zarûre istidâneye ve lede’z-zafer mallarına rücû‘a izin birle kayd-şüd. Fi’t-târîhi’l-mezbûr. Şuhûdü’l-hâl: Es-sâbikūn.