Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 311 Hüküm no: 199 Orijinal metin no: [56a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden İbrahim Ağa’nın kızı Fatıma’ya vasi ve nazır tayin edildiği Mahmiye-i İstanbul’da Yakub Ağa mahallesinden olup bundan akdem vefât eden İbrahim Ağa b. İbrahim’in sulbiye sagīre kızı Fâtıma’nın tesviye-i umûruna kıbel-i şer‘den bir vasî nasbı lâzım ve mühim olmağla emânet ve diyânet ile mevsûf olup vesâyete her vechile ehil ve mahmûdü’l-hâl olduğu zeyl-i kitâbda muharrerü’l-esâmî Müslimîn haberleriyle lede’ş-şer‘ zâhir olan mahalle-i mezbûrede sâkin İvaz Çavuş b. Abdullah’ı hâkim-i muvakkı‘-i sadr-ı kitâb efendi tesviye-i umûr-ı sagīre-i mezbûrenin vakt-i rüşd ü sedâdına varınca vasî ve üzerine sagīre-i mezbûrenin vâlidesi Safiye Hatun bt. Abdullah’ı hasbiye nâzıra nasb ü ta‘yîn buyurdukda onlar dahi vesâyet ve nezâret-i mezbûreyi kabûl ve merâsimlerini edâya ta‘ahhüd ve iltizâm etmeğin mâ-vaka‘a kayd-şüd. Fî 5 Rebî‘ülevvel sene 1110 Şuhûdü’l-hâl: el-Hâc Mehmed b. Ali, Ahmed Çelebi b. Nasuh, Yusuf Çelebi b. Abdullah, Mustafa Çelebi b. Hüseyin, İbrahim Beşe b. Ali