Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 317 Hüküm no: 205 Orijinal metin no: [57a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Feyzullah’ın küçük kızı Hatice’ye nafaka takdir edildiği Mahmiye-i İstanbul’da Koruk Mahmud mahallesi ahâlîsinden olup Eflak memleketinde sükûnu ma‘lûm olan gāib el-Hâc Feyzullah b. Eşref’in sulbiye sagīre kızı Hadîce’nin kıbel-i şer‘den tesviye-i umûruna vasiyy-i mansûbu bâ‘isü’l-kitâb Ahmed Çelebi b. Mehmed mahfil-i kazâda takrîr-i kelâm edip vasîsi olduğum sagīre-i mezbûrenin nafaka ve kisveye eşedd-i ihtiyâcı olmağın babası gāib-i mezbûr malından kadr-ı ma‘rûf nafaka ve kisve-bahâ farz ve takdîr olunmak matlûbumdur dedikde vasiyy-i mezbûrun kelimât-ı meşrûhası vâkı‘a mutâbıka olmağla hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri gāib-i mezbûr malından kızı sagīre-i mezbûrenin nafaka ve kisve ve sâir levâzım-ı zarûriyesine yevmî ikişer para nafaka ve kisve-bahâ farz ve takdîr buyurup meblağ-ı mezbûr yevmî ikişer parayı levâzım-ı sagīre-i mezbûreye harc ü sarfa ve inde’z-zafer istidâneye ve le’z-zafer malına rücû‘a vasiyy-i mezbûra izin birle mâ-vaka‘a kayd-şüd. Fî gurre-i Muharremi’l-harâm sene 1110 Şuhûdü’l-hâl: Şeyhzâde Ahmed Efendi, Ahmed Efendi b. İsmail, Dükkânî(?) Ali Efendi, Pîrzâde Mehmed Efendi, İbrahim Çelebi b. Mehmed, Mehmed b. Hüseyin, Hasan b. Abdullah