Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 318 Hüküm no: 207 Orijinal metin no: [57a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borçlu olarak vefat eden İmam İbrahim Hoca’nın alacaklılarına taksim edilen terekesi Havâss-ı aliyye muzâfâtından İskender Çelebi bahçesinde sâkin iken bundan akdem vefât eden İmâm İbrahim Hoca b. Abdullah’ın zâhirde vâris-i ma‘rûfu olmayıp terekesi cânib-i beytülmâle âid olmağın müteveffâ-yı mezbûrun düyûnu terekesinden ezyed olmağla düyûn-ı müsbetesini ashâbına îfâya kıbel-i şer‘den vasî ve kayyım nasb ü ta‘yîn olunan Hadîka-i hâssa-i şehriyârîde hâlâ kuşçubaşı olan fahrü’l-akrân Osman Bey b. Süleyman talebiyle müteveffâ-yı mezbûrun tahrîr ve fürûht olunan terekesidir ki vech-i âtî üzere zikr olunur. Fî 15 min-Safer sene 1110 Sepet 1 80 akçe Köhne yemenî yorgan 2, ihrâm 1 60 akçe Yeşil çuka ferâce 1 500 akçe Köhne mâî yemenî çuka 1 150 akçe Kırmızı köhne çakşır 40 akçe Siyâh kapama 200 akçe Siyâh kapama 2, zıbın 1 90 akçe Köhne sarık 2, kavuk 2 20 akçe Köhne makrama 4 40 akçe Alaca çârşeb köhne 1 30 akçe Köhne gömlek 1, nîmten 1, kuşak 1 10 akçe Müteveffâ-yı mezbûrun nukūdu an-dellâk Mustafa me’hûz 12 guruş, fî 160 1930 akçe Yekûn 3110 akçe. Para dört akçeyedir. Minha’l-ihrâcât: Techîz ve tekfîn 920 akçe Resm-i ağa hazretleri 300 akçe Dellâliye, kâtibiye, hammâliye 80 akçe Harc-ı defter 60 akçe Kaydiye-i defter 20 akçe Ücret-i çukadâr 160 akçe Yekûne’l-ihrâcât: 1540 akçe Sahhe’l-bâkī li’t-taksîmi beyne’l-guremâ meblağ: 1570 akçe Deyn-i müsbet Hasan Halîfe 3 guruş, fî 160 Meblağ 480 Mine’l-guremâ: 370 akçe Deyn-i müsbet Bogasici Hasan Çelebi 4 guruş, fî 160 Meblağ 640 Mine’l-guremâ: 502 akçe Deyn-i müsbet Deli Mehmed 2,5 guruş, fî 160 Meblağ 400 Mine’l-guremâ: 314 akçe Düyûn-ı müteferrika-i müsbet 3 guruş, fî 160 Meblağ 480 Mine’l-guremâ: 376 akçe Yekûne’d-düyûn: 2000 akçe