Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 319 Hüküm no: 208 Orijinal metin no: [57b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Topçu İbrahim’in terekesi Kavakhisarı karşısında Yenihisar’da müstahfız iken bundan akdem vefât eden Topçu İbrahim b. Hasan b. Abdullah’ın verâseti zevce-i menkûha-i metrûkesi Âişe Hatun bt. Şa‘bân’a ve sagīr oğlu Mehmed’e münhasıra olduğu şer‘an zâhir ve mütebeyyin oldukdan sonra sagīr-i mezbûrun tesviye-i umûruna bâ-hüccet-i şer‘iyye vasiyy-i muhtârı Ahmed Beşe b. Mehmed vekâleten mezbûrenin evlâd-ı sıgārları üzerlerine bâ-hatt-ı hümâyûn-ı sa‘âdet-makrûn nezâret-i aliyyeleri olan mahmiye-i İstanbul’da bi’l-fi‘il bostancıbaşı umdetü’l-havâs ve’l-mukarrebîn mu‘temedü’l-mülûk ve’s-selâtîn izzetlü Mustafa Ağa b. Hüseyin Ağa taraflarından müseccel vekîli ve hâlâ kuşçubaşısı fahrü’l-akrân Osman Bey b. Süleyman ve müteveffâ-yı mezbûrun zevcesi mezbûre Âişe talebleriyle tahrîr ve taksîm olunan tereke-i müteveffâ-yı mezbûrdur ki vech-i âtî üzere zikr olunur. Fî 3 min-şehr-i Rebî‘ülevvel sene 1110 Beledî yastık, minder 2 200 akçe Sandık 1 80 akçe Beyâz velense 1 125 akçe Siyâh kebe 1, kilim 1 133 akçe Sarık 1, kavuk 2 250 akçe Siyâh yağmurluk şalvar 300 akçe Siyâh yemenî mâî şalvar 2 160 akçe Beyâz aba kuzu nîmten kürk 250 akçe Köhne mâî çuka serhaddî 1 150 akçe Kırmızı çuka cebe, don, yemenî yeşil çuka 143 akçe Sepet 1 47 akçe Diz çakşır, bogasi çintiyân 241 akçe Alaca kaftan 1 325 akçe Gömlek 2, don 2 171 akçe Kırmızı köhne bogasi 1, kapama zıbın 1, kuşak 1 200 akçe Köhne cüzdan 2 ma‘a hırdavât 30 akçe Leğen ibrik 120 akçe Tencere bâ-kapak 1 Tas kapak 1, sahan 3 280 akçe Boylu tüfenk 1 125 akçe Kara kılıç 1 61 akçe Tepsi 1 100 akçe Mangal 4 vukıye fî 80 320 akçe Tesbih mercanlı 150 akçe Sîm bıçak 2 240 akçe Yekûn: 4201 Para üç hesâbıyla Kayık 4 çift 70 guruş, fî 120 8400 akçe Dört çift nısf kayık 30 guruş, fî 120 3600 akçe Mülk menzil der-hisar-ı mezbûr ber-vech-i tahmîn 3000 akçe Nukūd eşrefî altın 7, fî 270 1890 akçe Der-zimmet-i el-Hâc Mehmed 3000 akçe Yekûn: 19890 akçe Cem‘an yekûn: 24091 akçe. Para üç akçe hesâbıyla Minha’l-ihrâcât: Techîz ve tekfîn 2000 akçe İskāt-ı salât ve hukūk-ı ibâd ve sâir vücûh-ı birr ü hayra sarf bâ-hüccet-i şer‘iyye 4463 akçe Mehr-i müeccel-i müsbet li’z-zevce 3000 akçe Deyn-i müsbet Hadîce bt. Abdullah 1200 akçe Deyn-i müsbet Şehriban Hatun 2400 akçe Düyûn-ı müteferrika-i müsbete 200 akçe Dellâliye, kâtibiye, hammâliye 401 akçe Resm-i ağa hazretleri 1500 akçe Harc-ı hüccet-i ibrâ ma‘a kabz 260 akçe Resm-i âdî ma‘a harc 240 akçe Ücret-i çukadâr ve kayık 200 akçe Kaydiye-i defter 30 akçe Yekûn: 15894 akçe Sahhe’l-bâkī meblağ: 8197 akçe Hissetü’z-zevce 1024 akçe Hissetü’l-ibni’l-mezbûr Mehmed 7173 akçe