Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 322 Hüküm no: 210 Orijinal metin no: [58a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borçlu olarak vefat eden Mustafa’nın işlerini yürütmek üzere Mehmed’in vasi tayin edildiği Mahmiye-i İstanbul’da Altıbohça mahallesinde sâkin iken bundan akdem düyûn-ı kesîresi olduğu hâlde vefât eden el-Hâc Mustafa b. el-Hâc Osman’ın zimem-i nâsda olan hukūkunu cem‘ ü tahsîle ve tesviye-i umûruna kıbel-i şer‘den bir vasî ve kayyım nasb ü ta‘yîn olunmak lâzım ve mühim olmağın emânet ve diyânet ile ma‘rûf olup vesâyet uhdesinden gelmeğe her vechile kādir idiği zeyl-i vesîkada muharrerü’l-esâmî Müslimîn ihbârlarıyla lede’ş-şer‘i’ş-şerîf zâhir olan hâfızü’l-kitâb el-Hâc Mehmed b. el-Hâc İbrahim’i hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri vech-i muharrer üzere vasî ve kayyım nasb ü ta‘yîn buyurduklarında ol dahi vesâyet-i mezbûreyi kabûl ve merâsimini edâya ta‘ahhüd etmeğin mâ-vaka‘a kayd-şüd. Fî 7 Rebî‘ülevvel sene 1110 Şuhûdü’l-hâl: es-Seyyid Mehmed Efendi b. es-Seyyid Yusuf, Ali Ağa b. Ömer, Şa‘bân Efendi b. Ali, Veli Efendi b. Ahmed, Ali Odabaşı b. İbrahim, Hasan Çelebi b. Hüseyin.