Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 333 Hüküm no: 224 Orijinal metin no: [60a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Hüseyin Beşe’nin daha önce yapılıp iptal edilip yenilenen tereke taksimatı Anadolu’da Niğde kazâsına tâbi‘ Gölcük nâm karyeden olup İstanbul’da Ayazmakapısı dâhilinde Yağhânede müsâfiren vefât eden Hüseyin Beşe’nin zevcesi mezbûre Âişe hîn-i taksîmde diyâr-ı âharda bulunmağın batnında müteveffâ-yı mezbûrun firâşından hamli olduğu ma‘lûm olmayıp veresesi beyninde terekesi taksîm olundukdan sonra mezbûre Âişe’nin hamli zâhir ve Ümmühani ismiyle müsemmât oldukdan sonra taksîm-i evvel münfesih olup tekrâr bu mahalle taksîm olunduğu vech-i âtî üzere zikr olunur. Fî 10 Rebî‘ülevvel sene 1110 Derûn-ı defterde mecmû‘-ı tereke elli bir bin iki yüz doksan akçe olup beş bin altı yüz on akçesi ihrâc olundukdan sonra sahhe’l-bâkī meblağ: 45680 akçe. Beher para üçer hesâbınadır. Hisse-i zevce 5710 akçe Hissetü’l-eb 7613 akçe Hissetü’l-ibn 6470 akçe Hissetü’l-ibn 6470 akçe Hissetü’l-ibn 6470 akçe Hissetü’l-bint 3235 akçe Hissetü’l-bint 3235 akçe Hissetü’l-bint 3235 akçe Hissetü’l-bint 3235 akçe