Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 362 Hüküm no: 245 Orijinal metin no: [66b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şehit Mısırlızade İbrahim Paşa’nın küçük kızının giyecek ihtiyacı için günlük yirmi akçe takdir edildiği Anadolu beylerbeyisi iken sene-i sâbıkada şehîden vefât eden merhûm Mısırlızâde İbrahim Paşa’nın sagīre kızı Âişe Hanım’ın tesviye-i umûruna vasiyy-i mansûbu hâfızü’l-kitâb fahrü’l-a‘yân Mustafa Efendi b. el-Hâc Mustafa mahfil-i kazâda takrîr-i kelâm edip sagīre-i mezbûreye merhûm-ı mezbûrdan müntakil akārât icâresinden kadr-ı ma‘rûf kisve-bahâ farz ve takdîr olunmak matlûbumdur dedikde hâkim-i muvakkı‘-i sadr-ı kitâb tûbâ-lehû ve hüsnü-meâb hazretleri sagīre-i mezbûre Âişe Hanım’a para üç akçe hesâbınca târîh-i kitâbdan akārâtı icâresinden yevmî yirmi akçe kisve-bahâ farz ve takdîr buyurup meblağ-ı mefrûz-ı mezbûru mezbûre Âişe Hanım’ın [kisvesine] ber-vech-i muharrer harc ü sarfa ve inde’z-zarûre istidâne ve lede’z-zafer malına rücû‘a izin birle mâ-vaka‘a kayd-şüd. Fî gurre-i Muharrem sene 1110 Şuhûdü’l-hâl: Umdetü’l-a‘yân Harem kethüdâsı İbrahim b. el-Hâc Musa, Ramazan Ağa b. Ali, Mustafa Efendi b. Mehmed, Receb b. Hasan, Ahmed Çelebi b. Mehmed, Hasan Çelebi b. Mustafa.