Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 364 Hüküm no: 248 Orijinal metin no: [66b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Receb’in kızı Ayşe’ye Abdullah Ağa’nın nazır tayin edildiği Mahmiye-i İstanbul’da Manisalı Çelebi mahallesinde sâkin iken bundan akdem vefât eden el-Hâc Receb b. Mehmed’in sulbiye sagīre kızı Âişe’nin tesviye-i umûruna vasiyy-i şer‘îsi olan es-Seyyid Mehmed Çelebi b. ( ) kıbel-i şer‘den üzerine hasren nâzır nasb olunmak lâzım ve mühim olmağın emânet ve istikāmet ile ma‘rûf idiği zeyl-i kitâbda muharrerü’l-esâmî Müslimîn ihbârları ile lede’ş-şer‘i’l-enver zâhir ve mukarrer olan bâ‘isü hâze’l-kitâb Abdullah Ağa b. İsmail Ağa’yı hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri vasiyy-i mezbûrun üzerine hasbî nâzır nasb ü ta‘yîn edip ol dahi nezâret-i mezbûreyi kabûl ve merâsimini edâya ta‘ahhüd etmeğin kayd-şüd. Hurrire fî 2 min-Rebî‘ülevvel sene 1110 Şuhûdü’l-hâl: Ahmed Çelebi b. Musa, Mehmed Çelebi b. Ahmed, el-Hâc Ali b. Abdullah.