Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 460 Hüküm no: 336 Orijinal metin no: [84a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Mustafa ve Mehmed’in terekeleri ile kardeşleri Ahmed’in vasisi Mehmed Çelebi’nin görülen muhasebesi Mahmiye-i İstanbul’da Kazakuyu? mahallesinde sâkin iken bundan akdem vefât eden Mustafa b. el-Hâc Hüseyin nâm sagīrin verâseti vâlidesi Hadîce Hatun bt. Abdullah ile li-ebeveyn karındaşları Mehmed ve Ahmed nâm sagīrlere münhasıra olup kable’l-kısme mezbûr Mehmed dahi vefât edip verâseti vâlidesi mezbûre Hadîce’ye ve li-ebeveyn karındaşı mezbûr Ahmed’e münhasra ve tahsîh-i meselesi bi-hükmi’l-münâsaha otuz altı sehmden olmak üzere sihâm-ı mezbûrenin on bir sehmi mezbûre Hadîce’ye ve yirmi beş sehmi sagīr-i mezbûr Ahmed’e isâbeti tahakkukundan sonra sagīrânı mezbûrânın tahrîr olunan terekeleridir ki vech-i âtî üzere zikr olunur. Fi’l-yevmi’l-hâmis ve’l-ışrîn min-Şevvâli’l-mükerrem li-seneti tis‘a ve mi’ete ve elf. Müte‘âkıben fevt olan sagīrân-ı mezbûrânın babaları müteveffâ-yı mezbûr el-Hâc Hüseyin’den isâbet eden ber-mûceb-i defter-i muhâsebe hisseleri 117334 akçe Bey‘ olunan câriye semeninden hisseleri Meblağ: 10666 akçe Vakıf dükkân icârelerinden hisseleri 6000 akçe Cem‘an yekûn: 128600 akçe. Minha’l-ihrâcât: Techîz ve tekfîn-i Mustafa 2400 akçe Techîz ve tekfîn-i Mehmed 2040 akçe İki buçuk ayda cânib-i vakfa verilen icâre-i menzil ve dükkân 520 akçe İki buçuk ayda nafaka-i mefrûzaları 2400 akçe Sagīrân-ı mezbûrânın vâlideleri mezbûre Hadîce ile müşterâ vakıf dükkân icârâtından mezbûre Hadîce’nin hissesi olan altmış guruş sagīrân-ı mezbûrândan lâzım gelen 6400 akçe Resm-i kısmet-i âdî 3200 akçe Cem‘an yekûnü’l-ihrâcât: 170320 akçe. Sahhe’l-bâkī: 111280 akçe. Para üç hesâbınca Hisse-i Hadîce el-mezbûre 34101 akçe Hisse-i Ahmed 77275 akçe [84b] Sagīr-i mezbûrun tesviye-i umûruna vasiyy-i muhtârı olan Mehmed Çelebi b. Receb bin yüz dokuz Cumâdelâhire’nin gurresinden sene-i mezbûre Şevvâli’nin yirmi beşinci gününe gelince sagīr-i mezbûrun vâlidesi ve vasîsi mezbûrenin üzerine hasbî nâzır olan Hadîce Hatun marifetiyle görülen muhâsebe[si]dir ki zikr olunur. Sagīr-i mezkûr Ahmed’e babası müteveffâ-yı mezbûrdan müntakil ber-mûceb-i defter-i muhâsebe hissesi 58667 akçe Hâric ez defter bey‘ olunan câriye semeninden sagīr-i mezbûrun hissesi 5333 akçe Karındaşları mezbûrân Mustafa ve Mehmed’den bâlâda zikr olunan hissesi 77275 akçe Cem‘an yekûn: 141275 akçe. #&# Minha’l-ihrâcât: Müddet-i mezbûrede sagīr-i merkūmun nafaka-i mefrûzası 2300 akçe Cânib-i vakf icâresi ve dükkân 525 akçe Mezbûre Hadîce’nin icârâtdan isâbet ettiği altmış guruşu sagīrin hissesinden lâzım gelen 3200 akçe Ücret-i müstahfızân 160 akçe Harc-ı defter-i muhâsebe 800 akçe Kâtibiye ve huddâmiye 320 akçe Harc-ı hüccetden bey‘-i rihân 320 akçe Kayd-ı defter-i muhâsebe 80 akçe Yekûne’l-ihrâcât: 7720 akçe. Sahhe’l-bâkī: 133555 akçe. Para dörder hesâbınca