Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 631 Hüküm no: 785 Orijinal metin no: [142a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Narhtan fazlasına kesimlik küçükbaş hayvan satılmaması Akzâ kuzâti’l-müslimîn evlâ vülâti’l-muvahhidîn, ma‘denü’l-fazli ve’l-yakīn, hüccetü’l-hakkı ale’l-halkı ecma‘în, vârisü’l-ulûmi’l-enbiyâ’i ve’l-mürselîn, el-muhtas bi mezîdi inâyeti’l-meliki’l-Mu‘în Mevlânâ İstanbul kadısı -zîdet fezâilühû- tevkī‘-i refî‘-i hümâyûn vâsıl olucak ma‘lûm ola ki İstanbul’da vâki‘ kasab fukarâsı südde-i [sa]‘âde[time] arzuhâl edip yirmi otuz seneden beri …? kimesneler getirdikleri koyun ve kuzu ve marya ve keçilerin narh-ı cârîden üç dört akçe ziyâdesiyle fuzûlen kasab tâifesin üzerlerine bırakıp tecâvüz ettiğin bildirip ol bâbda hükm-i hümâyûnum recâ etmeğin sen ki kadısın kānûn-ı kadîm üzre bi nefsihî hâşını tutup kānûn-ı kadîme mugāyir bir ferde emr ve kayd ettirilmeyip men‘ ü def‘ eylemek emrim olmuşdur. Buyurdum ki hükm-i şerîfle vusûl buldukda sâdır olan emir üzre amel edip dahi o makūle görülüp men‘ olunan koyun ve kuzu ve marya ve keçiyi kānûn-ı kadîm üzre sen bi nefsihî hâşını tutup kānûn-ı kadîme mugāyir bir kimesneye dahl ve ziyâde bahâya bey‘ ettirmeyip şer‘-i şerîfe ve emr-i hümâyûnuma muhâlif olan te‘addî ve tecâvüzleri men‘ ü def‘ edip emr-i âhar irsâline muhtâc etmeyesin şöyle bilesin alâmet-i şerîfe i‘timâd kılasın. Tahrîren fî evâsıtı şehri Zilhicceti’ş-şerîfe [sene] sitte ve semânîn ve elf.