Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 632 Hüküm no: 786 Orijinal metin no: [142a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İstanbul sığır kasapları kethüdâ vekilliğine İbrahim Ağa’nın tayini Bâ‘is-i tahrîr-i hurûf oldur ki Hâliyâ hatt-ı hümâyûn-ı şevket-makrûnla İstanbul dâhilinde ve hâricinde vâki‘ sığır kasabı tâifesinin kethüdâlığı taraf-ı Devlet-i aliyye’den bu kullarına sadaka ve ihsân olunmağla kethüdâlığı mezbûru mu‘tâd ve olıgeldiği üzre zabt ve umûr-ı mezkûrdan tarafımıza âid olan rüsûmâtı ahz u kabz ve (…) mezbûru edâ etmek için işbu hâfız-ı tezkire tâife-i mezkûre ehl-i vukūf İbrahim Ağa vekîl nasb edip işbu hurûf li ecli’t-temessük tahrîr ve yedine verilmişdir ki tarafımızdan vekîlimiz olup husûs-ı mezbûrdan tâife-i merkūmların vâki‘ olan umûrları edâ ettikden sonra olıgeldiği üzre kethüdâlığı mezbûre âid olan rüsûmâtı ahz u kabz eyleye ve siz ki tâife-i mezbûrsuz mûmâ-ileyh İbrahim Ağa’yı husûs-ı mezbûrdan umûrunuzda kethüdâ bilip re’yine muhâlif olmayıp hilâf-ı şer‘-i şerîf taraf-ı âhardan mâni‘ ve müzâhim olmayalar. Tahrîren fî gurreti Ramazâni’l-mübârek sene 1097. Mehmed Çavuş, şâtırân-ı şehriyârî