Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 481 Hüküm no: 351 Orijinal metin no: [88a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borçlu olarak ölen Karabet için Danyel’in vasi tayin edildiği Mahmiye-i İstanbul’da Şeyh Ferhad mahallesi ahâlîsinden olup düyûnu terekesinden ezyed olduğu hâlde hâlik olan Karabet v. Sefer’in veresesi terekesinden kasr-ı yed etmekle tesviye-i umûruna ve guremâsıyla husûmet ve redd-i cevâba bir vasî ve kayyım nasb olunmak lâzım ve mühim olup mahalle-i mezbûre ahâlîsinden bâ‘isü’s-sifr Danyel v. Ağbel(?) nâm zimmîyi hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri vech-i muharrer üzere merkūm Danyel nâm zimmîyi vasî ve kayyım nasb ü ta‘yîn buyurduklarında ol dahi minvâl-i muharrer üzere vesâyet-i mezbûreyi kabûl ve merâsimini edâya ta‘ahhüd etmeğin mâ-vaka‘a bi’t-taleb ketb olundu. Hurrire fi’l-yevmi’s-sâlis min-Rebî‘i’l-âhir li-seneti aşer ve mi’ete ve elf. Şuhûdü’l-hâl: Üsküdarî Mehmed Efendi el-Kâtib, el-Hâc Musa b. Ahmed, Seyyid İbrahim Çelebi b. Hasan, Müezzin Mehmed Çelebi b. Abdullah