Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 491 Hüküm no: 361 Orijinal metin no: [90a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Berber Salih’in çocuklarına nafaka takdir edildiği Dârü’l-hilâfeti’l-aliyye Kostantıniyyetü’l-mahmiye mahallâtından Mimârayas mahallesinde sâkine iken bundan akdem vefât eden Berber(?) Salih b. es-Seyyid Cafer’in sagīr oğulları Ahmed ve Ali’nin nafaka ve kisveleri içün vâlidelerinden müntakil akārât icârelerinden vasiyy-i muhtârları hâfızü’l-kitâb cedleri vasiyy-i mezbûr es-Seyyid Cafer talebiyle târîh-i kitâbdan para üç akçe hesâbı üzere her birine yevmî altışar akçeyi hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri farz ve takdîr edip meblağ-ı mefrûz-ı mezbûru sagīrânı mezbûrânın levâzım-ı zarûriyelerine harc ü sarfa ve inde’z-zarûre istidâneye ve lede’z-zafer rücû‘a vasiyy-i mezbûr es-Seyyid Cafer’e izin birle mâ-vaka‘a bi’t-taleb ketb olundu. Hurrire fî gurre-i min-şehri Rebî‘i’l-âhir li-seneti aşer ve mi’ete ve elf. Şuhûdü’l-hâl: İbrahim Efendi b. el-Hâc Mehmed, Mustafa Efendi b. Şa‘bân, Mehmed Beşe b. Hüseyin, İbrahim Çelebi b. Mehmed ve gayruhum.