Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 522 Hüküm no: 392 Orijinal metin no: [95a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim’in varislerinden Ahmed Beşe’nin menzil hissesini Hatice Hatun’a sattığı Kezâlik mu‘arrefe olan bâ‘isetü’l-kitâb mezbûre Hadîce Hatun mahzarında ikrâr ve takrîr-i kelâm edip <> mahalle-i mezbûrede vâki‘ arsasının Muhzır el-Hâc Mehmed Vakfı’na senede yüz elli akçe mukāta‘ası olup ebniyesi müteveffâ-yı mezbûrun ile’l-vefât yedinde mülk ve hakkı olduğu müsbet olan bir tarafdan Hüseyin Çelebi menzili ve bir tarafdan vakıf arsa-i hâliye ve bir tarafdan tarîk-i âm ile mahdûd tahtânî iki bâb oda ve iki sofa ve bir su kuyusu ve taraf-ı râbi‘ası taş duvarı muhtevî menzilden tashîh-i mezbûr üzere benim hisseme isâbet eden üç sehm-i şâyi‘imi beher para üçer akçe hesâbı üzere yirmi beş bin iki yüz akçeye bi-cümleti’t-tevâbi‘ ve’l-levâhık tarafeynden îcâb ve kabûlü hâvî şurût-ı müfsideden ârî bey‘-i bâtt-ı sahîh-i şer‘î ile mezbûre Hadîce Hatun’a bey‘ u teslîm ol dahi iştirâ ve temellük ve kabûl edip semeni olan meblağ-ı mezbûr yirmi beş bin iki yüz akçeyi yedinden tamâmen alıp kabz eyledim ba‘de’l-yevm menzil-i mahdûd-ı mezbûrun bir sehmi irsen ve üç sehmi şirâen mezbûre Hadîce Hatun’un mülk-i mahzı ve hakk-ı sırfı olmuşdur keyfe mâ teşâ ve tehtâr mutasarrıfe olsun dedikde kezâlik mevlânâ-yı mezbûr ilâ-âhirihî. Şuhûdü’l-hâl: Eş-şâhidûnü’s-sâbikūn, es-sâbikūn. Beyaz, beyâz , beyâz ….