Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 522 Hüküm no: 393 Orijinal metin no: [95b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa Canbaz Receb’in kızı Hatice’nin vasisi olan Hüseyin’in muhasebesi Mahmiye-i İstanbul’da Mimârsinan mahallesinde sâkin iken bundan akdem [vefât eden] Canbaz el-Hâc Receb b. Hasan b. Abdullah’ın verâseti zevce-i menkûha-i metrûkeleri Fâtıma bt. Zülfikâr ve diğer Fâtıma bt. Mustafa ile sulbî kebîr oğlu İsmail ve kebîre kızı Hadîce ve sagīre kızı Âişe’ye münhasıra oldukdan sonra sagīre-i mezbûrenin min-kıbeli’l-ebb vasiyy-i muhtârı olan es-Seyyid Hüseyin b. Mehmed’in hasbî nâzır nasb olunan Abdullah Çelebi b. İsmail ma‘rifetiyle görülen hesâbı defteridir ki ber-vech-i âtî defteridir ki ber-vech-i âtî zikr olunur. Fî evâili Rebî‘i’l-âhir li-seneti aşer ve mi’ete ve elf. Müteveffâ-yı mezbûrun zimem-i nâsda olan hukūkundan Tavâşî el-Hâc Ahmed’den me’hûz-ı vasî 80 guruş, fî 120 9600 akçe Nadin oğlu diğer el-Hâc Ahmed’den me’hûz-ı vasî 50 guruş, fî 120 6000 akçe Ağa Mahmud nâm medyûndan me’hûz-ı vasî 70 guruş, fî 120 9600 akçe es-Seyyid Receb nâm medyûndan me’hûz-ı vasî 140 guruş, fî 120 16800 akçe Cem‘an yekûn: 42000 akçe. Para üç hesâbıncadır. Minha’l-ihrâcât: Resm-i kısmet 630 akçe Kassâmiye 210 akçe Kâtibiye ve huddâmiye 210 akçe Yekûne’l-ihrâcât: 1050 akçe. Sahhe’l-bâkī li’t-taksîmi beyne’l-verese: 40950 akçe. Yalnız kırk bin dokuz yüz elli akçe-i sağdır. Hissetü Fâtıma el-mezbûre 2559 akçe Hissetü diğer Fâtıma 2559 akçe Hissetü’l-bint Hadîce 17916 akçe Hissetü sagīre-i mezbûre Âişe 17916 akçe Medyûnlardan Dülger es-Seyyid Hüseyin zimmetinde on bin yüz elli guruşa mezbûr İsmail kefîl olmağla rızâsıyla hissesine mahsûb olup hemşîreleri(?) merkūmetân Hadîce ve Âişe ve âhar zimemten ol kadar meblağ istifâ edince mezbûr İsmail hissesini almamak üzere ilzâm eylemişdir. Mezbûre Âişe’nin defter-i kassâmda mastûr olan hisse-i müntakilesi 55925 akçe Yine mezbûre Âişe’nin mukaddemâ tahsîl olunan zimemden ber-mûceb-i defter-i âhar hisse-i müntakilesi 17334 akçe <> Cem‘an yekûn mezbûre Âişe’nin vasiyy-i merkūm yedinde müctemi‘ olan hısâs-ı müntakileleri 91175 akçe Minha’l-ihrâcât: Ber-mûceb-i hüccet-i nafaka vasiyy-i merkūm yüz bir senesi Cemâziyelevveli gurresinden iki sene tamâmına değin vâlidesine teslîm eylediği nafaka-i mefrûza için 6000 akçe Sahhe’l-bâkī an-mâl-ı Âişe meblağ: 85175 akçe. Yalnız seksen beş bin yüz yetmiş beş sağ akçedir. Vasiyy-i merkūm meblağ-ı mezbûru kendi malına halt edip zimmetine geçmekle senede onu on bir hesâbı üzere devr-i şer‘î ile ilzâm-ı ribh ve kabûl eylemişdir.