Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 545 Hüküm no: 415 Orijinal metin no: [100a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Efendi’nin oğlu Mustafa’nın vasisi olan diğer Mehmed Efendi’nin muhasebe defteri Mahmiye-i İstanbul’da Ayasofya-i kebîr kurbünde Üskübî mahallesi ahâlîsinden olup mahrûse-i Edirne’de bundan akdem fevt olan Mehmed Efendi b. Hasan’ın sagīr oğlu Mustafa’nın tesviye-i umûruna vasiyy-i muhtârı Mehmed Efendi b. Mustafa’nın üzerine hasbî nâzır olan Mehmed Çelebi b. Hasan talebiyle bin yüz dokuz Muharremi’l-harâmı gurresinden bin yüz on Rebî‘ülâhiri gurresine on beş ayda makbûz ve masrûfunun görülen hesâbı defteridir ki ber-vech-i âtî zikr olunur. Hurrire fî-evâsıtı şehri Rebî‘i’l-âhir li-sene aşer ve mi’e ve elf. Ber-mûceb-i defter-i kassâm-ı İstanbul hisse-i sagīr-i mezbûr 19.972 guruş 14 para Defter-i mezbûr mûcebince ba‘dehû vefât eden karındaşı Mehmed’den isâbet eden hissesi 1.313 guruş Ber-mûceb-i defter-i kassâm üzere hisse-i sagīre-i mezbûr 1.852 guruş Edirne defterinden müteveffâ-yı mezbûr Mehmed’in hisse-i müntakilesinden sagīr-i mezbûra isâbet eden 88 guruş 13 para Hâric ez-defter on guruş kıymetli çekmece ve dört guruş kıymetli iki aded sîm hâtem semeninden sagīr-i mezbûra isâbet eden 6 guruş 12 para Kezâlik hâric ez-defter Gönenli es-Seyyid Ömer nâm kimesneden kabz olunan yirmi beş guruşdan sagīr-i mezbûra isâbet eden hisse 102 guruş 17 para Yine hâric ez-defter Kâğıdçı Osman Çelebi’den kabz olunan yirmi guruşun bir buçuk guruşu hücceti harcına verildikden sonra bâkī kalan on sekiz buçuk guruşdan hissesi 8 guruş 4 para Cem‘an yekûn 3.610 guruş, yalnız üç bin altı yüz on guruşdur. Minha’l-ihrâcât #&# Müddet-i merkūmede beher şehr yedişer buçuk guruşdan bâ-hüccet nafaka-i mefrûza-i masrûfa 112,5 guruş Ahmed Çelebi ve Fâtıma nâm Hatun’un ba‘de’t-taksîm bâ-hüccet isbât eyledikleri kırk yedi buçuk guruş ve bir rub‘dan sagīrin hissesine lâzım gelen 20 guruş, 10 zolota Mahalle-i mezbûrede vâki‘ vakıf menzilin bin yüz dokuz Muharremi’nden yüz on Muharremi’ne gelince bir senelik icâresi 3 guruş Yine mahalle-i mezbûrede vâki‘ Zeyneb Hatun Vakfı’ndan olan senelik ber-vech-i muharrer bir senelik icâresi 6 guruş Bezzâzistân-ı cedîdde vâki‘ bezzâzistân müstahfızlarına müddet-i merkūmede verilen ücret 5 guruş 1 rub‘ Sagīr-i mezbûrun malını hıfz eden sandık ve kilid semeni 3 rub‘ Zikr olunan menzil meremmeti içün ihrâc olunan 10 guruş Edirne kassâmı defteri mûcebince hissesine mahsûb olmak üzere alıkonulan eşyâ semeni 51,5 guruş, 12,5 para Defter-i mezbûr mûcebince fevt olan karındaşı mezbûr Mehmed’in hissesine mahsûb olup alıkonulan ba‘dehû sagīr-i mezbûra ba‘s olunan Mushaf-ı şerîf ve Takvîmü’l-ebdân ve Siyer ve Neseî ve Molla Câmî ve Sadrü’ş-şerî‘a beheri 42,5 guruş 2,5 para Bâlâda bast olunup sagīr-i mezbûrun hissesine mahsûb olmak üzere alıkonulan çekmece semeni 10 guruş Vasiyy-i mezbûrun mahrûse-i mezbûreden gelip ...? varınca ücret-i mekkârî ve mesârif-i tarîk ve sâir masrûfu 20 guruş Harc-ı muhâsebe 7,5 guruş Kalemiye ve huddâmiye 2,5 guruş Kaydiye-i defter 0,5 guruş Cem‘an yekûn ihrâcât, 293,5 guruş 2 para El-bâkī, 3.316,5 guruş 18 para, yalnız üç bin üç yüz on altı buçuk guruş on sekiz paradır.