Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 548 Hüküm no: 417 Orijinal metin no: [100b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Arabacıbaşı Ahmed Ağa’nın oğullarına vasi olan Mustafa’nın muhasebe defteri Mahmiye-i İstanbul’da Mimârsinan mahallesinde sâkin iken bundan akdem vefât eden Arabacıbaşı Ahmed Ağa b. Ali’nin sagīr oğulları Ali ve Mustafa’nın vasiyy-i muhtârları Mustafa Celil b. Mehmed’in müteveffâ-yı mezbûrun hîn-i fevtinden târîh-i kitâba gelince makbûzunun görülen hesâbı defteridir ki ber-vech-i âtî zikr olunur. Fi’l-yevmi’l-hâdî ve’l-ışrîn min-Rebî‘i’l-âhir li-sene aşer ve mi’e ve elf. Defter-i kassâm-ı askerî mûcebince sagīrân-ı mezbûrânın hisselerine mahsûb olmak üzere alıkonulup vâlideleri Hamra? Hatun’a teslîm olunan eşyâ bahâsından fazla meblağ para üç hesâbınca 343 akçe Mahalle-i mezbûrede vâki‘ vakıf arsa-i hâliye bi’l-izni’ş-şer‘î âhara ferâgat olunup sagīrân-ı mezbûrânın hisselerine isâbet eden meblağ 1.410 akçe Kapıcıbaşı Bayezid Bey’in oğlu zimmetinde karz olunan beş Eşrefî altın ahz olunup sagīrân-ı mezbûrânın hisselerine isâbet eden meblağ 588 akçe Mahalle-i mezbûrede vâki‘ mülk menzil bey‘ olunup sagīrân-ı mezbûrânın hisselerine isâbet eden meblağ 56.000 akçe Cem‘an yekûn: 58.340 akçe Minha’l-ihrâcât Mahalle-i mezbûrede olan menzili bey‘ içün hüccetine meblağ 320 akçe Dellâliye meblağ 180 akçe Sagīrân-ı mezbûrânı kebîre kız karındaşları Emetullah Hatun kendi malımdan infâk ve iksâ ederim kitâbı harc-ı hüccet 360 akçe Büyük Ayasofya Vakfı’ndan Atpazarı’nda olan ahur icâresinden sagīrân-ı mezbûrânın hisselerine isâbet eden meblağ 210 akçe Harc-ı hüccet-i nafaka meblağ 270 akçe Müteveffâ-yı mezbûr hayâtında Atpazarı’nda Süleyman Efendizâde’nin dükkânında sâkin olup kirâsını edâ etmeden fevt oldukda Süleyman Efendizâde’ye verilen üç yüz yirmi akçeden sagīrân-ı mezbûrânın hisselerine isâbet eden meblağ 160 akçe Bahâ-yı kutu ve bezzâzistâncılara kilid akçesi ve ücret-i huddâm 180 akçe Sagīrân-ı mezbûrânın peşîn ihrâc olunan altı aylık nafaka-i mefrûzaları bâ-hüccet-i şer‘iyye meblağ 2.880 akçe Harc-ı muhâsebe-i kalemiye 180 akçe Yekûn: 4.740 akçe Sahhe’l-bâkī der-yed-i vasî para üçer hesâbıncadır meblağ: 53.600 akçe