Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 568 Hüküm no: 437 Orijinal metin no: [104b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa’nın vasisi olan annesi Hatice’nin hesap defteri Mahmiye-i İstanbul’da Akbıyık mahallesinde sâkin iken bundan akdem vefât eden el-Hâc Ahmed b. el-Hâc İbrahim’in sagīr oğlu Mustafa’nın vasiye-i mansûbesi Hadîce bt. Bali’nin üzerine hasbî nâzırası ve sagīr-i mezbûrun vâlidesi Belkıs bt. Abdullah talebiyle makbûz ve masrûfunun görülen hesâbı defteridir ki ber-vech-i âtî zikr olunur. Fî gurre-i Cumâdelûlâ sene 1110. Sagīr-i mezbûr mal-ı müntakilinden vasiye-i mezbûrenin makbûzu olan 40.000 akçe Dükkân icâresinden makbûzu 1.540 akçe 41.560 akçe Minha’l-ihrâcât On üç ayda sagīr-i mezbûrun nafakasına masrûf 4.680 akçe Hıtân cem‘iyetine ve elbisesine masrûf bâ-hüccet-i izin 10.800 akçe İştirâ olunan Mushaf-ı şerîf hediyesi 1.800 akçe Bir senede hocasına verilen 18.000 akçe Sekiz senede iştirâ olunan kurbân semeni 2.400 akçe Müddet-i mezbûrda îdiye iştirâ olunan libâs 2.400 akçe Harc-ı muhâsebe 180 akçe Kalemiye 60 akçe Cem‘an, para üç hesâbıncadır: 24.120 akçe Sahhe’l-bâkī bi-yedi’l-vasiyeti’l-mezbûre sağdır: 17.440 akçe