Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 569 Hüküm no: 439 Orijinal metin no: [104b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa’nın vasisi olan annesinin harcadığı paraların mahkemece de tastik edildiği Mahmiye-i İstanbul’da Akbıyık mahallesinde sâkin iken vefât eden el-Hâc Ahmed b. el-Hâc İbrahim’in sagīr oğlu Mustafa’nın tesviye-i umûruna kıbel-i şer‘den mansûbe vasiyesi bâ‘isetü’l-kitâb Hadîce Hatun bt. Bali sagīr-i mezbûrun vâlidesi hâzıra iken meclis-i şer‘de takrîr-i kelâm edip sagīr-i mezbûrun mal-ı müntakilinden tilâveti içün iştirâ eylediğim bir Mushaf-ı şerîf hediyesi ve doksan guruş hıtânı levâzımına ve bir senede on beş guruş hocasına ve sekiz senede yirmi guruş iştirâ eylediğim kurbân ve yirmi guruş îdeynde libâsına nâzırı ma‘rifetiyle cem‘an yüz altmış guruş masrûfum olmuş idi. El-hâletü hâzihi kıbel-i şer‘den dahi me’zûne olmak talebimdir dedikde vasiye-i mezbûrenin kelimât-ı meşrûhası vâkı‘a mutâbık ve masrûfu kadr-ı ma‘rûf idiği zeyl-i kitâbda muharrerü’l-esâmî Müslimîn haberleri ile lede’ş-şer‘ mütehakkık olmağın hâkim-i muvakkı‘-ı sadr-ı kitâb tûbâ-lehû ve hüsnü-meâb efendi hazretleri vasiye-i mezbûrenin masrûfu kadr-ı ma‘rûf olmağın müste‘dânın mâ-vaka‘a kayd şüd. Fi’t-târîhi’l-mezbûr li-seneti’l-merkūme. Şâhidûnü’s-sâbikūn