Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 577 Hüküm no: 447 Orijinal metin no: [106a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman b. Ramazan’ın terekesi Bostânî neferâtından olup Hadîka-i hâssa-i şehriyârîde kayıkhânede sâkin iken bundan akdem vefât eden Osman b. Ramazan b. Abdullah’ın li-ebeveyn karındaşı ve mukarrun-leh bi’n-neseb cihetinden hasren vârisi olduğu Bostânî Mehmed b. Hüseyin ve Mustafa b. Ali nâm kimesnelerden hâlâ bostancılar kethüdâsı ve tâife-i mezbûrenin beytülmâllerini kabza taraf-ı saltanat-ı aliyyeden bâ-hatt-ı hümâyûn-ı sa‘âdet-makrûn memûr olan umdetü’l-emâcid ve’l-ekârim câmi‘ü’l-mehâmid ve’l-mekârim izzetlü el-Hâc Mustafa Ağa b. Halil tarafından müseccel vekîli ve hâlâ Başeskisi el-Hâc Osman Bey b. (°) mahzarında vech-i şer‘î üzere ...? ve verâsetine hükmolunan Abdullah el-mezkûrun taleb ve ma‘rifetiyle müteveffâ-yı mezbûrun tahrîr ve fürûht olunan terekesidir, ber-vech-i âtî zikr olunur. Fî 28 min-Rebî‘ülâhir sene 1110. Yemenî yorgan 120 akçe Mâî çuka şalvar 700 akçe Barata 100 akçe Peştemâl 80 akçe Kırmızı çuka nîmten 450 akçe Gömlek 80 akçe Yeşil çuka nîmten 500 akçe Siyâh yağmurluk 200 akçe Siyâh kebe 120 akçe Yeşil sâde kuşak 200 akçe Mâî çuka şalvar 600 akçe Diz çakşırı ma‘a dizge 640 akçe Zıbın 85 akçe Uçkur ve tozluk 53 akçe Münakkaş çuka nîmten 1.000 akçe Mâî çuka içlik 100 akçe Sırmalı cüzdân 250 akçe Nukūd akçe 40 akçe Cem‘an yekûn, beher para dört hesâbıncadır: 4.868 akçe #&# Minha’l-ihrâcât Techîz ve tekfîn 480 akçe Dellâliye ve dükkâniye ve hammâliye 160 akçe Resm-i kethüdâ 40 akçe Resm-i âdî ma‘a harc 100 akçe Ücret-i yazıcı ve başeski 440 akçe Harc-ı hüccet-i ibrâ 80 akçe Kaydiye-i defter 20 akçe Cem‘an yekûn: 10.180 akçe Sahhe’l-bâkī: 3.188 akçe Meblağ-ı bâkī-yi mezbûru müteveffâ-yı mezbûrun li-ümm karındaşı mezbûr Abdullah merkūm Başeski el-Hâc Osman Bey yedinden huzûr-ı Müslimînde tamâmen ahz u kabz edip vekîl-i mezbûr yediyle ve müvekkil-i mezbûrânın zimmetlerini ibrâ-i âmmla ibrâ eylediği bu mahalle şerh verildi.