Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 589 Hüküm no: 460 Orijinal metin no: [108b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Muslu’nun terekesi Mahmiye-i İstanbul’da Saray-ı cedîd-i sultânî tabbâhlarından olup mahmiye-i mezbûrede Karaki Hüseyin Çelebi mahallesinde sâkin iken bundan akdem vefât eden el-Hâc Mehmed b. Muslu b. Abdullah’ın zâhirde zevce-i menkûha-i metrûkesi Saliha Hatun bt. Ahmed’den gayrı vâris-i ma‘rûfu olmayıp terekesinin [rub‘u] mezbûre Saliha Hatun’a ve selâse-i erbâ‘ı cânib-i beytülmâle âid oldukdan sonra saray-ı mezbûrda bi’l-fi‘il Ser-tabbâhân-ı hâssa olup tâife-i mezbûreden bilâ-vâris fevt olanların beytülmâllerini taraf-ı saltanat-ı aliyyeden kabzına bâ-hatt-ı hümâyûn memûr olan fahrü’l-akrân Selim Ağa b. Kasım tarafından vekîl-i müsecceli el-Hâc İbrahim b. Ebubekir ma‘rifetiyle tahrîr ve taksîm olunan terekesidir ki ber-vech-i âtî zikr olunur. Fî 27 min-Rebî‘ülâhir sene 1110. #&# Sîm kılıç 955 akçe Köhne yorgan 111 akçe ..? küreği 139 akçe Balta 125 akçe Köhne kürde kebe 32 akçe Zerdava kürk 1.400 akçe Destâr-ı köhne 120 akçe Tuman çakşırı 322 akçe Yorgan ma‘a çârşeb 189 akçe Döşek 271 akçe Kaliçe 1 ve beledî yasdık 4 1.050 akçe Kara kaftan 1, kavuk 1, dizge 1 435 akçe Sepet sandığı 80 akçe Alaca 155 akçe Velense 40 akçe Kırmızı keçe 160 akçe Yeşil ferâce 760 akçe Gömlek 240 akçe Kapama 240 akçe Kîse 2 111 akçe Kilim ve velense 140 akçe Tencere 2 ma‘a kapak 471 akçe Tepsi ve leğen 1, ibrik 1 261 akçe Sahan ve kefgir ve kahve ibriği 219 akçe Yemenî perde 20 akçe Çuval 51 akçe Hırdavât-ı menzil 361 akçe Nakid 10 guruş, fî 160 1.600 akçe Müteveffâ-yı mezbûrun mahalle-i mezbûrede vâki‘ vakıf menzil istîfâsından bâ-hüccet-i şer‘iyye hükmolunan 8.000 akçe Cem‘an yekûn, para dört akçe hesâbıncadır: 18.514 akçe Minha’l-ihrâcât Techîz ve tekfîn 1.600 akçe Resm-i âdî 266 akçe Kassâmiye ve kâtibiye ve huddâmiye 172 akçe Menzil-i mezbûrun istîfâ da‘vâsına harc-ı hüccet ve mübâşiriye 1.790 akçe Resm-i ağa-i mezbûr 800 akçe Dükkâniye 150 akçe Dellâliye ve dükkâniye ve hammâliye 321 akçe Düyûn-ı müteferrika-i müsbete ve mesârif-i lâzıme ve kaydiye 1.545 akçe Mehr-i müsbet li-zevcetü’l-mezbûre Saliha 5.333 akçe Deyn-i müsbet el-Hâc Osman 3.200 akçe Cemî‘ ihrâcât: 14.537 akçe Sahhe’l-bâkī, para dört hesâbıncadır: 3.974 akçe Hissetü’z-zevce 993 akçe Der-yed-i emînü’l-mezbûr 2.981 akçe