Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 592 Hüküm no: 463 Orijinal metin no: [109a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Galatalı Mehmed Çavuş’un terekesi Mahmiye-i İstanbul’da Fenerkapısı dâhilinde Cafer Subaşı mahallesi ahâlîsinden iken bundan akdem vefât eden Galatalı Mehmed Çavuş b. Abdurrahman b. Abdülmennan’ın verâseti zevce-i menkûha-i metrûkesi Âişe Hatun bt. el-Hâc Mehmed Çavuş’a ve sulbiye kebîre kızları Fâtıma ve Afife’ye ve sagīre kızı Hadîce’ye ve sagīr oğlu İbrahim ile kebîr oğlu İsmail’e münhasıra olduğu şer‘an zâhir ve mütehakkık oldukdan sonra verese-i mezkûre talebleriyle müteveffâ-yı mezbûrun tahrîr ve beyne’l-verese tevzî‘ ve taksîm olunan terekesidir ki ber-vech-i âtî zikr olunur. Fî 11 Rebî‘ülâhir sene 1110. Mâî çuka ferâce 1.001 akçe Konoz çakşır 1 160 akçe Destâr-ı köhne 2 260 akçe Paça kürk 13.500 akçe Alaca kaftan 405 akçe Kabsız paça kürk 1 4.200 akçe Şal-ı Lahor 300 akçe Köhne kutnî kaftan 301 akçe Köhne yeşil çuka 500 akçe Atlas köhne anteri 200 akçe Yeşil köhne çuka yağmurluk 805 akçe Mâî nâfe kürk 3.015 akçe Köhne kırmızı bogasi çintiyân 40 akçe Köhne beyâz sâde 110 akçe Sof kerâke 1.515 akçe Köhne sof kerrâke 605 akçe Köhne kırmızı sof ferâce 815 akçe Lahor şal kuşak 300 akçe Siyâh kapama 400 akçe Köhne sof ferâce 600 akçe Kırmızı tüfenk kuşak 205 akçe Çuka kaliçe 25 akçe Köhne kırmızı çukaya kaplı köhne zerdava kürk 2.420 akçe Yeşil çuka nîmten 500 akçe Mâî aba şalvar 80 akçe Kebîr duvar aynası 160 akçe Zümrüd yüzük 1, hâtem 1 6.000 akçe Sîm bıçak 200 akçe Sîm sâ‘at 2.000 akçe Sîm kılıç 2.000 akçe Yorgan 200 akçe Def‘a yorgan 245 akçe Köhne mâî velense 135 akçe Çuka mak‘ad 4 505 akçe Köhne sandık 2 100 akçe Tarak kîsesi 1 30 akçe Mısır hasırı 40 akçe Aba yasdık yüzü 4 100 akçe Kâse 6, tabak 4 285 akçe Köhne orta keçe 630 akçe Beyâz velense 320 akçe Mâî velense 290 akçe Köhne kaliçe 400 akçe Sarı velense 345 akçe Yorgan 400 akçe Def‘a yorgan 400 akçe Def‘a yorgan 400 akçe Yasdık yünü 30 kıyye 600 akçe Def‘a yün, kıyye (°) 773 akçe Publa döşek 2 384 akçe Yasdık gılâfı 3 150 akçe Minder 3 200 akçe Evânî-i nuhâsiye, kıyye (°) 2.860 akçe Londura çuka 28 zirâ‘, fî 191 5.348 akçe Londura kırmızı çuka 21 zirâ‘, fî 166 3.486 akçe Def‘a londura çuka 22 zirâ‘, fî 191 4.203 akçe Yeşil londura çuka 10,5 zirâ‘ fî 236 2.373 akçe Erguvânî bogasi londura çuka, 22 zirâ‘, fî 200 4.400 akçe Manisa alacası 15, fî 80 1.200 akçe Yekûn, para dört hesâbıncadır: 73.434 akçe Be-hesâb-ı sağ: 55.076 akçe Der-zimmet-i Dividi Güzel el-Hâc Hasan, 279,5 guruş, fî 120 34.740 akçe Der-zimmet-i Balatî Yahûdi, 370 guruş, fî 120 45.600 akçe Der-zimmet-i İsak Galatalı, 224,5 guruş, fî 120 akçe 26.940 akçe Müteveffâ-yı mezbûrun Galatalı Hanla ve Yahûdi Hana’da mevcûd olup ba‘de’l-müzâyede para üç akçe hesâbınca bey‘ olunan öküz derisi 1.535 aded, fî 210 322.350 akçe Yekûn: 429.630 akçe Cem‘an yekûn, beher para üçer akçe hesâbınca, yalnız dört yük seksen dört bin yedi yüz altı akçedir, 484.706 [109b] Minha’l-ihrâcât Techîz ve tekfîn 6.000 akçe Mehr-i müeccel-i müsbet li-zevcetü’l-mezbûre 120.000 akçe Münâdiye 1.100 akçe Ücret-i dükkân 550 akçe Münâdiye-i gön, def‘a gönün sayımı 4.200 akçe Ücret-i mahzen gön 1.800 akçe Ücret-i mahzen bezzâzistân 270 akçe Deyn-i müsbet-i li-Mecnûn Ali b. Abdullah 60.000 akçe Resm-i âdî 4.575 akçe Kassâmiye 1.525 akçe Kalemiye ve huddâmiye 1.525 akçe Kaydiye-i defter 60 akçe Yekûn: 201.605 akçe Sahhe’l-bâkī li’t-taksîm: 283.101 akçe Hisse li-zevcetü’l-mezbûre Âişe Hatun 35.387 akçe Hisse li-binti’l-mezbûre Fâtıma 35.387 akçe Hisse li-binti’l-mezbûre Afife 35.387 akçe Hisse li-binti’l-mezbûre Hadîce 35.387 akçe Hisse li-ibni’l-mezbûr İbrahim 70.774 akçe Hisse li-ibni’l-mezbûr İsmail 70.774 akçe Müteveffâ-yı mezbûrun terekesi ba‘de’t-taksîm zevcesi mezbûre Âişe Hatun müteveffâ-yı mezbûr Mehmed Çavuş zimmetinde para üçer akçe hesâbınca cihet-i karz-ı şer‘îden üç kere yüz bin akçe hakkı olduğu şuhûd-ı udûl ile isbât etmeğin terekesinden edâsına hükm-i şer‘î lâhık olmağla erbâb-ı düyûn beynlerinde guremâ lâzım gelmekle ber-vech-i âtî ashâb-ı düyûn beynlerinde guremâ olunduğudur ki zikr olunur. Fî 20 Rebî‘ülâhir sene 1110. Mukaddemâ zevcesi mezbûre Âişe Hatun’un mehr-i mezkûru içün mezbûrenin bâlâda tahrîr olunduğu üzere makbûzu 120.000 akçe Bâlâda deyni müsbet tahrîr olunup mezbûr Mecnûn Ali’nin hissesi’çün ihrâc olunan meblağ 60.000 akçe Bâlâda bâkī kalıp verese beynlerinde taksîm olunan meblağ 283.101 akçe Cem‘an yekûn: 463.101 akçe El-guremâ Deyn-i müsbet li-Mecnûn Ali el-mezbûr Fi’l-asl 60.000 Hisse-i ani’l-guremâ 57.887 Mehr-i müeccel-i müsbet li-zevcetü’l-mezbûre Fi’l-asl 120.000 Hisse-i ani’l-guremâ 115.774 Deyn-i müsbet li-zevcetü’l-mezbûre Âişe Hatun Fi’l-asl 300.000 Hisse-i ani’l-guremâ 289.435