Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 613 Hüküm no: 481 Orijinal metin no: [113b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukiye Hatun’un vefat eden eşi Mehmed Ağa’dan yüz guruş alacağı olduğu Kezâlik mezbûr Halil b. Receb mahzarında üzerine da‘vâ ve takrîr-i kelâm edip müteveffâ-yı mezbûr el-Hâc Mehmed Ağa b. Şa‘bân b. Abdullah zimmetinde cihet-i karzdan yüz guruş hakkım olup hattâ müteveffâ-yı mezbûr hâl-i kemâl-i sıhhatinde meblağ-ı mezbûr cihet-i mezbûreden ol kadar bana deyni olduğunu huzûr-ı Müslimînde ikrâr ve işhâd dahi edip kable’l-edâ fevt olmağla terekesinden taleb ederim suâl olunsun dedikde gıbbe’s-suâl ve’l-inkâr müdde‘iye-i mezbûreden müdde‘âsına beyyine taleb olundukda udûl-ı ahrâr-ı ricâl-i Müslimînden mahalle-i mezbûre ahâlîsinden Hamamcı Mehmed Ağa b. Abdülbaki ve el-Hâc Mustafa b. İbrahim li-ecli’ş-şehâde meclis-i ma‘kūd-ı mezbûra hâzırân olup isre’l-istişhâd fi’l-hakīka müteveffâ-yı mezbûr el-Hâc Mehmed Ağa b. Şa‘bân b. Abdullah hâl-i kemâl-i sıhhatinde müdde‘iye-i mezbûre Rukiye Hatun’dan cihet-i mezbûreden yüz guruş deyni olduğunu huzûrumuzda ikrâr ve bizi işhâd eyledi biz bu husûsa ilâ-âhirihî. Şâhidûnü’s-sâbikūn