Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 614 Hüküm no: 483 Orijinal metin no: [114a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman’ın vasisi Afife Hatun’un üzerine Mehmed Çelebi’nin nazır tayini Mahmiye-i İstanbul’da Uzun Yusuf mahallesi ahâlîsinden olup bu sene-i mübârekede hacc-ı şerîfden gelirken Huneyn nâm mevzi‘de vefât eden el-Hâc İbrahim Ağa b. Hasan nâm kimesnenin sulbî sagīr oğlu Osman’ın tesviye-i umûruna vasiyy-i muhtâresi ve vâlidesi Afife Hatun bt. Ahmed Efendi’nin üzerine hasbî nâzır ta‘yîn olunmak lâzım ve mühim olmağın emânet ve diyânet ile ma‘rûf ve nezâret uhdesinden gelmeye kādir idiği zeyl-i vesîkada muharrerü’l-esâmî Müslimîn ihbârları ile lede’ş-şer‘ zâhir ve mütehakkık olan li-ebeveyn karındaşı bâ‘isü’l-vesîka Mehmed Çelebi’yi hâkim-i muvakkı‘-ı sadr-ı kitâb efendi hazretleri vasiye-i mezbûrenin üzerine hasbî nâzır nasb ü ta‘yîn buyurduklarında ol dahi nezâret-i mezbûreyi ba‘de’l-kabûl hizmet-i lâzımesini edâya ta‘ahhüd ve iltizâm etmeğin mâ-vaka‘a kayd şüd. Şuhûdü’l-hâl: Ahmed Efendi b. Ali, fahrü’l-akrân İbrahim Ağa b. Musa, Mustafa Efendi b. Rasûl, Hüseyin Çelebi b. Halil