Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 615 Hüküm no: 485 Orijinal metin no: [114a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed, Mahmud ve Ayşe’nin vasisi İsmail’in bu görevi bırakmasıyla anneleri Emine Hatun’un vasi tayin edildiği Mahmiye-i İstanbul’da Kumkapısı kurbünde Kürkçübaşı Süleyman Ağa mahallesinden olup Güzelhisar’da müsâfiren sâkin iken bundan akdem vefât eden Hasan Ağa b. Mustafa’nın evlâd-ı sıgārı Mehmed ve Mahmud ve Âişe’nin kıbel-i şer‘den mansûb vasîleri olup mahmiye-i mezbûrede Ayasofya-i kebîr kurbünde Güngörmez mahallesinde sâkin el-Hâc İsmail b. Abdullah vesâyet-i mezbûreden hüsn-i ihtiyâriyle kasr-ı yed etmeğin mezbûr el-Hâc İsmail ba‘de’l-kabûl hâkim-i muvakkı‘-ı sadr-ı kitâb efendi hazretleri mezbûrlar Mehmed ve Âişe’nin vâlideleri olup zeyl-i kitâbda muharrerü’l-esâmî Müslimîn ihbârları ile istikāmeti mütebeyyin olan işbu râfi‘atü’l-kitâb Emine Hatun bt. Abdullah’ı vasî nasb ü ta‘yîn eyledikde ol dahi vesâyet-i mezbûreyi ba‘de’l-kabûl mâ-vaka‘a kayd şüd. Fî 11 min-Cemâziyelevvel sene 1110. Şuhûdü’l-hâl: Hasan Efendi b. Eyüb, el-Hâc Ahmed [b.] Mehmed, Mehmed Ağa b. Hasan, Mehmed Çelebi b. Hüseyin