Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 616 Hüküm no: 487 Orijinal metin no: [114b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şaban Bey’in terekesi Mahmiye-i İstanbul’da Hocapaşa mahallesinde sâkin iken bundan akdem düyûnu terekesinden ezyed olduğu halde vefât eden Şa‘bân Bey b. Ali b. Abdullah’ın düyûnunu erbâbına îfâya ve tesviye-i umûruna bâ-hüccet-i şer‘iyye vasiyy-i muhtârı Mehmed Efendi b. Mustafa ve zevce-i menkûha-i metrûkesi Belkıs bt. Abdullah taleb ve ma‘rifetleriyle müteveffâ-yı mezbûrun tahrîr ve fürûht olunan terekesidir ki zikr olunur. Fî gurre-i Cumâdelûlâ li-sene aşer ve mi’e ve elf. Köhne kürk 1 360 akçe Çakşır 1 260 akçe Yeşil çuka kontuş 1 800 akçe Mâî çuka köhne kontuş 1 200 akçe Neftî çuka dolama 1 300 akçe Köhne anteri 160 akçe Sarık 1, kavuk-ı köhne 1 200 akçe Kırmızı çuka, 2 zirâ‘ 400 akçe Kara kılıç 160 akçe Kara kılıç 400 akçe Tabanca tüfenk 1 ma‘a silah 256 akçe Eyer ma‘a bisât-ı köhne 254 akçe Köhne kapama 1, don 1, gömlek 1, uçkur 1, zıbın 1, kuşak 1 300 akçe Yekûn, para dört hesâbı üzere: 4.000 akçe Minha’l-ihrâcât Techîz ve tekfîn 1.760 akçe Dellâliye ve dükkâniye hammâliye 140 akçe Harc-ı defter 80 akçe Harc-ı vesâyet 280 akçe Kalemiye 40 akçe Kaydiye 21 akçe Yekûn ihrâcât: 2.320 akçe Sahhe’l-bâkī, para dört hesâbıncadır: 1.680 akçe Meblağ-ı bâkī-yi mezbûr bin altı yüz seksen akçe müteveffâ-yı mezbûrun zevcesi mezbûre Belkıs Hatun’un zevci mezbûr Şa‘bân zimmetinde iki bin sağ akçe mehr-i müeccel hakkı olduğu vekîl-i mezbûr Mehmed Efendi mahzarında mahalle-i mezbûrede sâkin Halil b. Şa‘bân ve Attâr el-Hâc Osman b. Mehmed şehâdetleriyle sâbit olup ba‘de’t-tahlîf edâsına hükm-i şer‘î lâhık olmağın meblağ-ı bâkī-yi mezbûr mehr-i mezbûr mukābelesinde mezbûre Belkıs Hatun’a teslîm olunduğu bu mahalle şerh verildi.