Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 617 Hüküm no: 488 Orijinal metin no: [114b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Abdülmuttalib’in oğlunun vasisi üzerine nazır olan Mahmud Çelebi’nin muhasebesinin görüldüğü Mahmiye-i İstanbul’da İbrahim Paşa mahallesinde sâkinen fevt olan el-Hâc Mehmed b. Abdülmuttalib’in sulbî oğlu (°) nâm bâliğ-i gayr-ı reşîdin vasiyy-i mansûbu el-Hâc Mustafa b. Mehmed’in üzerine hasbî nâzır olan mezbûr İsmail’in li-eb karındaşı Mahmud Çelebi ma‘rifetiyle bin yüz sekiz senesi Zilka‘desi’nin onuncu gününden bin yüz on Cumâdelûlâsı onuncu gününe gelince on sekiz ayda görülen muhâsebesidir ki zikr olunur. Hurrire fi’t-târîhi’l-mezbûr. Ber-mûceb-i defter-i kassâm-ı askerî babasından isâbet eden 241 guruş Vâlidesinden isâbet edip babası zimmetinde olmağla terekesinden me’hûz 250 guruş Vakıf menzil bedelinden hissesi 509 guruş Odun ve pirinç ve tabak semeninden hissesi 7,5 guruş Vasiyy-i mezbûrun i‘mâliyle hâsıl-ı murâbaha 21,5 guruş Vakıf akārât icârâtından sene-i mezbûrede 51 guruş Yekûn: 1.080 guruş Minha’l-ihrâcât Hissesine mahsûb olmak üzere alıkonulan eşyâ semeni 15,5 guruş Bâ-hüccet-i şer‘iyye sene-i mezbûrede nafaka-i mefrûza 90 guruş Bi’l-izni’ş-şer‘î alıkonulan kisve-bahâ 48 guruş Bâ-hüccet-i şer‘iyye istihdâm içün alınan câriye-i mevcûde ma‘a küsûr 158 guruş Udhiye 2,5 guruş Sene-i mezbûrede vakıf icâre ve meremmât 11,5 guruş Kassâm-ı sâbık es-Seyyid Mehmed Efendi’ye verilen beş kıt‘a hüccet harcı 14,5 akçe Harc-ı muhâsebe 5 guruş Kâtibiye 2,5 guruş Huddâmiye ve kaydiye 1,5 guruş Yekûn mesârif: 349 guruş Sahhe’l-bâkī bi-yedi’l-vasî, yalnız yedi yüz otuz bir guruşdur, 731 guruş.