Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 643 Hüküm no: 505 Orijinal metin no: [119b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çelebi’nin terekesi Mahmiye-i İstanbul’da Şeyh Ferhad mahallesi ahâlîsinden iken bundan akdem vefât eden es-Seyyid Mehmed Çelebi b. es-Seyyid el-Hâc Ali b. Abdullah’ın verâseti zevce-i menkûha-i metrûkesi Rukiye Hatun bt. Hasan ile vâlidesi Saliha Hatun bt. Şa‘bân ve sulbî sagīr oğulları es-Seyyid Mustafa ve es-Seyyid Abdullah ve es-Seyyid Ahmed’e ve sagīre kızı mezbûre Şerife Fâtıma’ya münhasıra oldukdan sonra sagīrân-ı mezbûrân es-Seyyid Mustafa ve es-Seyyid Abdullah’ın vasîleri Yusuf Çelebi b. Mehmed ile kezâlik sagīr-i mezbûr es-Seyyid Ahmed’in ve mezbûre Şerife Fâtıma’nın vasiyy-i şer‘îleri Hasan Çelebi b. Receb ma‘rifetleriyle tahrîr olunan defteridir ki ber-vech-i âtî zikr olunur. Fî gurre-i Şevvâl sene 1109. Alaca kilim 100 akçe Sagīr tepsi 52 akçe Aba yağmurluk 200 akçe Kapama 100 akçe Fener 76 akçe Zıbın 70 akçe Havan 60 akçe Mâî çuka muvahhidî 505 akçe Maşraba 60 akçe Köhne Şam alacası 220 akçe Tas 50 akçe Kapama 150 akçe Def‘a tas 70 akçe Köhne çakşır 130 akçe Sagīr lengerî 40 akçe Köhne kuzu kürkü 101 akçe Yeşil destâr 200 akçe Nîmten kürk 103 akçe Def‘a yeşil destâr 120 akçe Şalvar 100 akçe Havan 18 akçe Donluk bogası 121 akçe Köhne yeşil çuka 280 akçe Sincab kürk 1.600 akçe Çakşır 66 akçe Tahta pîştahta 35 akçe Köhne kuşak 80 akçe Sîm hâtem 52 akçe Def‘a çakşır 110 akçe Yekûn: 3.869 akçe Be-hesâb-ı sağ: 3.652 akçe Menzil der-mahalle-i mezbûre 280 guruş, fî 120 33.600 akçe Sarrâf Mıgırdıç zimmetinden tahsîl 50 guruş, fî 120 6.000 akçe el-Hâc Yusuf oğulları Mahmud ve Ali’den tahsîl 20 guruş, fî 120 2.400 akçe Yekûn: 42.000 akçe Cem‘an yekûn, para üçer akçeyedir: 45.652 akçe [Minha’l-ihrâcât] Techîz ve tekfîn ma‘a ıskāt-ı salât 1.650 akçe Mehr-i müeccel-i müsbet 4.800 akçe Deyn-i müsbet sagīrân-ı mezbûrân es-Seyyid Mustafa ve es-Seyyid Abdullah 8.880 akçe Deyn-i müsbet Mosi? zimmî 240 akçe İki kıt‘a vesâyet ve iki kıt‘a nafaka hüccetleri harçları 442 akçe Münâdî menzil ve eşyâ 732 akçe Ücret-i dükkân 40 akçe Resm-i âdî 390 akçe Kassâmiye 120 akçe Kalemiye 130 akçe Cem‘an: 17.434 akçe Sahhe’l-bâkī: 28.218 akçe Hissetü’z-zevcetü’l-mezbûre 3.527 akçe Hissetü’l-ümmü’l-mezbûre 4.703 akçe Hissetü’l-ibni’l-mezbûr Seyyid Mustafa 5.710 akçe Hissetü’l-ibn Abdullah 5.710 akçe Hissetü’l-ibn 5.710 akçe Hissetü’l-binti’l-mezbûre Fâtıma 2.855 akçe Kesr-i bâkī 3 akçe Sagīr-i mezbûr es-Seyyid Ahmed ve sagīre-i mezbûre Şerife Fâtıma’nın rüşd-i sedâdına varınca hâkim-i muvakkı‘-ı sadr-ı kitâb min-kıbeli’l-ümm cedleri Hasan Çelebi b. Receb nâm kimesneyi vasî nasb eyledi kayd şüd. Fî gurre-i Şevvâl sene 1109. Şuhûdü’l-hâl: Salih Ağa b. tâbi‘-i İsmail Paşa, es-Seyyid Mehmed Efendi b. eş-Şeyh İbrahim, es-Seyyid Abdullah Efendi b. eş-Şeyh İbrahim, el-Hâc Ali b. Mehmed Sagīr-i mezbûr es-Seyyid Ahmed ve sagīre-i mezbûre Şerife Fâtıma beher yevm târîh-i kitâbdan dörder sağ akçe nafaka farz ve takdîr olunduğu kayd şüd. Hurrire fî 11 Cumâdelûlâ sene 1110. Şuhûdü’s-sâbikūn Sagīr-i mezbûr es-Seyyid Mustafa ve es-Seyyid Abdullah’ın vasîleri el-Hâc Yusuf b. Mehmed talebiyle târîh-i kitâbdan beher [yev]m dörder sağ akçe nafaka verildi. Fî 11 min-Cumâdelevvel sene 1110.