Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 647 Hüküm no: 508 Orijinal metin no: [120a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aşçıbaşı Ali’nin terekesi Mahmiye-i İstanbul’da Altıboğça mahallesinde sâkin olup bundan akdem Mısr-ı Kāhire’de vefât eden Aşçıbaşı el-Hâc Ali b. Hüseyin’in verâseti zevce-i menkûha-i metrûkesi Havva Hatun bt. Mehmed ve Hadîce Hatun bt. Abdullah ve sagīre kızı Emetullah ve kebîr oğlu Mehmed’e münhasıra olduğu şer‘an zâhir oldukdan sonra sagīre-i mezbûrenin tesviye-i umûruna kıbel-i şer‘den mansûb vasîsi li-ebeveyn ammi el-Hâc Ömer taleb ve ma‘rifetiyle müteveffâ-yı mezbûrun tahrîr ve beyne’l-verese taksîm olunan terekesidir ki ber-vech-i âtî zikr olunur. Fî 10 min-Rebî‘ülâhir sene 1110. Sîm kılıç 1 2.400 akçe Samur paçası kürk 6.850 akçe Buhûrdân ve gülâbdân 550 akçe Şerbet? tası 160 akçe Sîm reşme, 60 dirhem, fî 20 1.200 akçe Def‘a sîm rişme, 35 dirhem, fî 20 700 akçe Tâbe 70 akçe Sîm çapku[n] rahtı 3.000 akçe Sîm hançer 1.340 akçe Demir külünk 80 akçe Tabancalı 145 akçe Sîm gaddâre 2.610 akçe Sîm kemer raht 610 akçe Köhne kapama 330 akçe Sîm bıçak 910 akçe Beyâz sâde 185 akçe Yeşil çuka kerrâke 2.560 akçe Billûr şam‘dân 615 akçe Çenber iskemle 100 akçe Câriye be-nâm-ı Fetâ 24.000 akçe Yekûn, para dört hesâbı üzeredir: 54.225 akçe Bi-hesâb sağ: 40.669 akçe Müteveffâ-yı mezbûrun Mısır’dan gelip bey‘ olunan eşyâsıdır ki ber-vech-i âtî zikr olunur. Hurrire fi’t-târîhi’l-mezbûr. Şeker 3 kıyye 140 akçe Pirinç 10 keyl, fî 66 660 akçe Kalay? 204 dirhem fî 60 Peynir 4,5 kıyye, fî 132 594 akçe Sabun 13 kıyye, fî 40 520 akçe Kahve 45 kıyye, fî 120 5.400 akçe Çuval 40 akçe ...? 18 akçe Yekûn: 7.432 akçe Müteveffâ-yı mezbûrun Mısr-ı Kāhire’de hîn-i fevtinde yanında mevcûde olup oğlu mezbûr Mehmed ma‘rifetiyle bey‘ olunan eşyâsıdır <> Mısır kassâm defteri mûcebince zikr olunur. Müsta‘mel eyer 690 akçe Sîm kılıç 1.080 akçe Müsta‘mel yağmurluk 1.665 akçe Müsta‘mel kerrâke 900 akçe Eyer çukası 540 akçe Sincab kürk 3.000 akçe Çizme 60 akçe Mısır hasırı 240 akçe Köhne paça kürk 1.035 akçe Köhne sâde 420 akçe Kapama 420 akçe Zıbın 210 akçe Köhne kapama 105 akçe Def‘a köhne nâfe kürk 300 akçe Köhne çakşır 115 akçe Kahve 30 kıyye, fî 90 2.700 akçe Câriye be-nâm-ı Gülistan 1.764 akçe Kapıcılar Kethüdâsı Hasan Ağa yedinde emânet olan nakid altın ve guruş be-hesâb-ı meblağ 90.456 akçe Yekûn, para üçer akçeyedir: 120.106 akçe Cem‘an yekûn, para üçer akçeyedir: 161.775 akçe Minha’l-ihrâcât Techîz ve tekfîn ber-mûceb-i defter-i Mısır 1.440 akçe Ali Ağa yedinde Mısır’da sarf olunan 1.650 akçe Mısır kassâmına verilen resm-i defter 1.330 akçe Mehr-i müeccel-i müsbet 6.000 akçe Mehr-i müeccel-i müsbet 4.000 akçe Dellâliye-i eşyâ 1.000 akçe Ücret-i dükkân 50 akçe Resm-i âdî ve huddâmiye ve mesârif-i lâzıme-i müteferrika 4.000 akçe Tabûtiye ve harc-ı lâzıme-i defni 1.900 akçe Harc-ı hücec 600 akçe Kaydiye-i defter 60 akçe Yekûne’l-ihrâcât: 25.624 akçe Sahhe’l-bâkī: 136.151 akçe Hissetü’z-zevcetü’l-mezbûre Havva 8.509 akçe Hissetü’z-zevcetü’l-mezbûre 8.509 akçe Hissetü’l-binti’l-mezbûre 39.711 akçe Hissetü’l-ibni’l-mezbûr Mehmed 79.422 akçe